Baı Ólkedegi aǵaıyndar arasynda tanymal, Qazaqstanda bilim alyp, Monǵolıa qazaqtary mádenıetine úles qosqan, ómirden erte ozǵan Sherikbaı Unatulyn eske alýǵa arnalǵan konsert ótedi. Bul týraly belgili kásipker, marqumnyń dosy Ahmetbek Nursıla Facebook paraqshasynda jazdy.

«Qurmetti Baıbesiktik aǵaıyn! Sherikbaı marqumdy bilmeıtinderińiz joq bolar. Bıyl tiri bolsa 50-ge keledi eken. Marqumdy eske alamyz dep, kózin kórmese de, artyndaǵy tuıaǵynyń ónerin qurmetteıtin Semeılik azamattar Sherikbaıdy eske alý keshin uıymdastyryp jatyr eken. “Qarǵa da bolsa elmiz ǵoı”, osy sharany qoldaı almasaq eldigimizge syn bolar. Qytaıda kelgen aǵaıyndar nebir keremet sharalar ótkizip jatqanda qyzyǵa da, qyzǵana qarap otyramyz. Bizdiń bereke-birligimizdi kórsetetin shara bolsyn. 

Baıbesiktenmin degen aǵaıyndarǵa arqyly tarata júrińizder. Sol konsertte kezdesip, bir arqa –jarqa bolyp qalaıyq. Eldigimizdi, barlyǵymyzdy kórseteıik. Keshti belgili aqyn Ularbek Nurǵalymuly júrgizedi. 

Bılettiń quny: Aldyńǵy oryndar 3000 teńge, ortadan bastap 2000 teńge, balkon 1000 teńge. 
Konsertten túsken tabys: Sherikbaıdyn otbasyna kómek kórsetýge, konsertte óner kórsetken ónerpazdarǵa syı aqyǵa jáne konsert zalyn jalǵa alýǵa jumsalatyn bolady. Osy sharaǵa demeýshilik kórsetemin degen jandar uıymdastyrý alqasyna habarlasyńyzýlaryńyzdy suraımyz. 
Sapaly qazaq” uıymy», - delingen habarlamada. 

Konsert 28 jeltoqsanda, Almatydaǵy Jambyl atyndaǵy memlekettik fılarmonıanyń konsert zalynda ótedi.