Astanada jyl sońyna deıin 8 mektepti qoldanysqa berý josparlanǵan. QazAqparattyń habarlaýynsha bul týraly búgin qalalyq Bilim basqarmasy basshysynyń orynbasary Qasymhan Senǵazıev aıtqan.
«Jyl sońyna deıin segiz mektep ashý josparlanýda. Negizi toǵyz mektep josparlanǵan bolatyn. Onyń bireýi jýyrda ashylyp qoıdy. Endi 1 qyrkúıekte taǵy bir mektep qoldanysqa beriledi. Al qyrkúıek aıynyń sońyna deıin taǵy 4 mektepti bitirý josparlanǵan. Olardyń deni Sol jaǵalaýda jáne bir mektep S. Seıfýllın kóshesinde ornalasqan», - degen óz sózinde Q.Senǵazıev.
Onyń aıtýynsha, 1 qyrkúıekke josparlanǵan nysan 100 paıyz daıyn tur. Qoldanysqa beriletin 8 mekteptiń ár qaısysy 1200 orynǵa arnalǵan.
Qamshy-aqparat
