Qytaıdyń Gýańduń ólkesinde tamyzdyń biri men demalys kúnderinde jalpy ulttyq másele kún tártibine shyqty. Eldiń ońtústik megapolıstarynyń biri Shynjyn qalasynyń saqshylary uıaly telefonǵa arnalǵan «sýpervırýsty» jasady degen kúdikpen 19 jastaǵy azamatty quryqtady. Bul týraly jergilikti BAQ-qa silteme jasap Itar-TASS habarlady.

Qatty zalal keltirýshi baǵdarlama Gýańduńda juma kúni áreket ete bastaǵan. Demalys kúnderi jaǵdaı jalpy halyqtyq aýyr deńgeıge jetken. Nátıjesinde mobıldi baılanys operatorlary tutas abonentterine zaqymdalýdan eskertý úshin sms habarlama jiberýge májbúr bolypty.

Halyqty ábigerge salǵan vırýs Android júıedegi uıaly telefondardy búldirýge baǵyttalǵan. Onyń áreket etý sqemasy tómendegideı: paıdalanýshy kontakt tiziminde aty saqtalǵan bir dosynan sms habarlama qabyldap alady, onda ınternettegi áldeqandaı qyzyqty dúnıege silteme kórsetiledi. Eger paıdalanýshy siltemeni ashyp kóretin bolsa uıaly telefon ózdiginen zaqymdaýshy baǵdarlamany júktep alady. Sonyń nátıjesinde óziniń kontakt tiziminde bar barlyq adamǵa silteme jazylǵan sms habarlama ketetin bolady. Solaı baǵdarlama jyldam taralady jáne júktelgen uıaly telefondardy jumysqa jaramsyz etedi.

Qazirgi ýaqytta atalǵan «sýpervırýsty» jasaýshy týraly tolyqtaı aqparat joq. Bar bolǵany ol Lı famılıaly jáne 19 jasta.

Qamshy-aqparat