Prezıdenttiń baspasóz qyzmeti Qazaqstan Prezıdenti Nursultan Nazarbaevtyń Rojdestvomen quttyqtaýyn jarıalady.

Qymbatty otandastar!

Pravoslavıe hrıstıandaryn Rojdestvo meıramymen shyn júrekten quttyqtaımyn!
Bul jarqyn mereke qoǵam ómirindegi joǵary adamgershilik bastamalardy nyǵaıtatyn óshpes rýhanı jáne moraldyq qundylyqtardy saqtaýǵa yqpal etedi.
Rojdestvo – bul álemniń jańarýynyń, ıgilik pen ádildiktiń, qaıyrymdylyqtyń jáne kómek pen qamqorlyqqa zárý adamdarǵa shynaıy kóńil bólýdiń nyshany.
Qazaqstanda pravoslavıe qaýymy basqa konfesıalardyń qatarynda elimizdiń ómirine belsene atsalysyp, halyqtyń birligine, qoǵamdyq kelisim men dinaralyq dıalogqa baǵa jetpes úlesin qosyp keledi.
Munyń barlyǵy bizdiń qazaqstandyq tatýlyq pen jasampazdyq, kórkeıý men damý modeliniń negizderin nyǵaıtýǵa yqpal etedi.
Rojdestvo merekesinde barshańyzǵa baqyt, sáttilik pen amandyq-saýlyq tileımin!