Ońtústik Qazaqstan oblysynda 2 qabatty jeke baraq tárizdi turǵyn úı opyrylyp qulady. Bul týraly QazAqparat jazdy.

Oqys oqıǵadan qaza tapqandar bar, dep habarlaıdy oblystyq TJD-nyń baspasóz qyzmeti. Bastapqy nusqa boıynsha, gaz-aýa qosyndysy jarylǵan. «8 qańtarda saǵat 03-55-te OQO TJ departamentiniń shuǵyl kezekshilerine aldyn ala gaz-aýa qosyndysynyń jarylysynan baraq tárizde salynǵan 2 qabatty jeke turǵyn úıdiń opyrylyp qulaýy týraly habar kelip túsken. Qıraýdyń kólemi 64 sharshy metrdi qurady.   Saǵat 04.07-de oqıǵa ornyna birinshi bolyp jedel-qutqarý jasaǵynyń qutqarý bólimshesiniń 11 qyzmetkeri jáne 2 tehnıka kelip jetti. Avarıalyq-qutqarý jumystaryn júrgizý kezinde úıindiniń astynan 4 adam shyǵaryldy, olardyń ishinde úshei aýrýhanaǵa jetkizildi, 1 adam aýrýhanaǵa barýdan bas tartty.. Saǵat 04.25-te úıindiniń astynan birinshi bolyp 2015 jylǵy sábı tabylyp, shyǵaryldy. Saǵat 04.28-de balanyń ákesi úıindiniń astynan shyǵaryldy, 4 mınýttan keıin anasynyń múrdesi shyǵaryldy. Saǵat 04.32-de 1 adam tabyldy. Saǵat 04.53-te taǵy 1 adam tabylyp, shyǵaryldy», delingen habarlamada.

Departamenttiń baspasóz qyzmetiniń habarlaýynsha, qutqarý jumystaryna TJD-nyń 23 qutqarýshysy jáne 3 tehnıka, jedel-qutqarý jasaǵynyń 44 qyzmetkeri jáne 6 tehnıkasy (onyń ishinde 3 ıisshil ıtpen úsh kınologıalyq jasaq, 1 medıkalyq-psıhologıalyq qyzmet mamany), órt sóndirý jáne avarıalyq-qutqarý jumystary qyzmetiniń 17 adamy jáne 4 tehnıkasy, medısına apattar ortalyǵynyń 3 qyzmetkeri, quramynda 16 adam jáne 4 tehnıkasymen jedel medısınalyq qyzmetiniń qyzmetkerleri tartylǵan. Oblystyq İİD qyzmetkerleri oqıǵa ornyn qorshaýǵa alyp, energetıka jáne gaz sharýashylyǵynyń qyzmetkerleri turǵyn úıdi elektr qýaty men gazdan ajyratty. 

Aıta keter bolsaq, jyldyń alǵashqy kúni Qaraǵandy oblysynda da turǵyn úı qulap, 9 adam qaza tapqan edi. Úıdiń qulaý sebebi retinde jylý qazandyǵy aqaýy atalǵan edi.