Qytaı kúıeýlerge qazaqtyń qyzdaryn saýdalaıtyn agenttik jumysy Qazaq qoǵamyn dúr silkintti. Áleýmettik jelide túrli qarsylyqtar jazylyp, ult namysyn qorlaýshylarǵa qoǵamnyń tepkisi kórinip jatyr.

Gúlisqan Domalaıqyzy tómendegideı áńgimeni áleýmettik jelide jazdy.

Shamasy 20 -30 jyldyń aldy bolsa kerek, bizdiń óspirim kezimiz bolatyn QHR Úrimshi qalasynyń qala bastyǵy Jákeń aǵamyz óz qyzynyń qytaı azamatqa kúıeýge shyǵamyn degen usynysyn estıdi. Qytaı jigit te úlken sheneýniktiń balasy eken. Óz balasyn raıynan qaıtara almaǵan áke toı kúnin belgiletedi.

Eki serkeniń toıyna dúnıeniń tórt buryshynan kileń sorpa betine shyǵar myqtylar jınalady. Toı bastalady, birde qytaı ultynyń dástúrimen qyz ben kúıeý ata-anaǵa sálem jasaý josynyn óteıdi Jákeń ornynan turyp eki jasqa batasyn berip betin sıpaıdy, jastar ary buryla bergende qyz ákesi qoınynan tapanshasyn sýyryp alyp kóz ilespes tezdikpen qyzynyń ókpe tusynan tars etkizedi. Dúr etip ornynan kóterilgen jurtta es qalmaıdy jas máıit sulap jatyr.

Qyz ákesi kózinen sorǵalap turǵan jasyn dáý alaqanymen asyqpaı sıpap qoıyp: "Qurmetti qaýym, bul meniń óz janymnan da artyq kóretin qyzym edi, biraq ultymdy odanda artyqtaý kóremin, bul názirge jaıylǵan dastarhan aýyz tıip asyqpaı qaıtyńdar, bul bárińe sabaq bolsyn. Eger búgin osyǵan qolym barmasa, erteń Shyńjańdaǵy 2 mıllıon qazaqtyń qyzyna ıe bolýǵa amalym da bolmaıdy, dep sherli áke esikten shyǵyp kete beripti.

Biraq búgin 17 mıllıon azamaty bar óz memleketimizden birde bir sondaı ákelermen basshylar shyqpaı, 20 qyzdy qytaıǵa bersek, budan artyq bul elde qasiret te bolmas.