Úndistannyń DNA agenttiginiń jýrnalısi Shahkar Abedı Qazaqstanda seks-týrızmniń tanymal bop turǵany týraly jarıalanymy úshin keshirim surady, - dep habarlaıdy Tengrinews.kz tilshisi Qazaqstannyń Úndistandaǵy elshiligine silteme jasap. Basylym úndistandyq er adamdardyń kýrortty elderden góri Qazaqstandy artyq kóretini týraly maqala jarıalaǵan bolatyn.

Óziniń resmı málimdemesinde maqala avtory bolǵan jaǵdaı úshin ókinetinin jáne endi qaıtalamaıtynyn aıtty. "Men jazǵan maqala týrızm ındýstrıasy jetekshileri men ınsaıderleriniń baqylaýlaryna negizdelgen edi, óıtkeni olar - týrısik saladaǵy ahýaldy jaqsy baǵalaı biletin aqparat kózderi. Maqalamda men ataǵan adamdardyń kóbi ondaı trendtiń shyn máninde baryn aıtty, men sol pikirlerdi bir maqalaǵa biriktirgen edim, men de Úndistan men Qazaqstannyń tatý elder, strategıalyq áriptester ekenine senemin. Sóz sońynda keleshekte túsiniktemeler jóninen árqashan sizdiń elshilikke habarlasatyn bolatynyma sendirgim keledi", - deıdi Shahkar Abedı.

Esterińizde bolsa atalǵan Úndistandyq basylym Qazaqstandy seks-týrızmniń ortalyǵy retinde kórsetetin materıal basqan. Bul óz kezeginde Qazaqstan azamattarynyń aýyr narazylyǵyn týǵyzyp, áleýmettik jelilerde qatań talqylanǵan edi. Qazaqstannyń Indıadaǵy elshisi Dýlat Qýanyshev eger bul basylym Qazaqstandaǵy seks-týrızm týraly aqparat teriske shyǵarylatyn bolsa, maqala avtoryna qatań jaza qoldanýdy talap etpeıtinin aıtqan bolatyn.

Qamshy-aqparat