"Qamshy" portalynyń kezekti ınternet-konferensıa qonaǵy - Ermek Narymbaev oqyrmandardan kelip túsken suraqtardyń alǵashqy legine jaýap berdi.
Ermek Narymbaev 1970 jyly, 23 shildede Qostanaı oblysy, Uzynkól aýdany, Ershovka aýylynda týǵan. 2009 jyly «Arman» ulttyq patrıottyq qozǵalysyn qurdy. 2010 jyly 23 shildede keıbir qazirgi atqarýshy bılikke narazy kózqarastary úshin 4 jylǵa sottalyp, jazasyn jalpy rejımdegi kolonıada óteýge kesildi. Táýelsizdik 20 jyldyǵyna baılanysty raqymshylyqpen 2012 jyly 25 aqpanda bosatyldy.
Ermek Narymbaev bostandyqqa shyqqan soń da azamattyq pozısıasynan tanǵan joq. Ol qazirgi ýaqytta Almatydaǵy «Jumysshylar men jumyssyzdar» odaǵyn basqarady. Túrli saıası oqıǵalarǵa belsendi ún qatyp kele jatqan Ermek Narymbaev ekinshi deńgeıli bankterdiń kredıttik júıesin qatań synaýshy.
Oqyrmandardan kelip túsken saýaldarǵa tolyq jaýap aldaǵy kúnderde jarıalanatyn bolady.
