Almatyda Qazaqstannyń memlekettik týynyń avtory Sháken Nıazbekov dúnıeden ótti, - dep habarlaıdy Tengrinews.kz  Almaty qalalyq ákimdiginiń ishki saıasat bólimine silteme jasaı otyryp.

Sháken Nıazbekov 76 jasqa qaraǵan shaǵynda 15 tamyzdan 16 tamyzǵa qaraǵan túni qaıtys boldy. Qoǵam qaıratkerimen  qoshtasý rásimi 18 tamyz kúni Ábilhan Qasteev atyndaǵy murajaıda ótedi.

Sháken Nıazbekov 1938 jyly 12 qazanda Jambyl qalasynda (Taraz) týǵan. Lenıngradtyń V.I.Mýhın atyndaǵy joǵary kórkem-ónerkásiptik ýchılıshesin támamdaǵan.

Ol kezinde memleket jáne qoǵam qaıratkeri, Almatynyń "Qurmetti azamaty" degen marapatqa laıyq dep tanyldy. 1992 jyly Sháken Nıazbekov  Qazaqstannyń memlekettik týynyń avtory atandy. Sondaı-aq ol Almatynyń eltańbasy men Baýyrjan Momyshuly monýmentiniń de avtory. Buǵan qosa Sháken Nıazbekov keńestik kezeńde  "Volgo" avtokóliginiń dızaınyn jasaýshylardyń quramyna da qatysqan. 

Qamshy-aqparat