Qazaqstanda birqatar azyq-túlik taýary qunnyń artýy baıqaldy. QzAqparattyń jazýynsha bul týraly búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Ulttyq ekonomıka mınıstrligi Statısıka komıtetiniń tóraǵasy Álıhan Smaıylov málim etken.

«Tolyqtaı alǵanda, bizde jyl basynan beri baǵa 4,9 paıyzǵa kóterildi. Bul tutynýshylyq sebetin tolyqtaı alǵandaǵy jaıt. Al ózderińiz de biletindeı, tutynýshylyq sebetine azyq-túlik taýarlarymen qatar, azyq-túliktik emes taýarlar, aqyly qyzmetter kiredi. Degenmen, birqatar azyq-túlik taýary, birinshi kezekte jemis-jıekter men kókónisterdiń baǵasy basqa taýarlar men qyzmetterge qaraǵanda birshama qymbattady. Al keıbiri, máselen, qıar men qyzanaq baǵasy tómendedi», - dep jaýap bergen komıtet basshysy BAQ ókilderiniń saýalyna oraı.

Onyń atap ótýinshe, aǵymdaǵy jyldyń 7 aıynda respýblıkadaǵy ınflásıa 4,9 paıyzdy qurady. Sońǵy 7 aıdyń ishinde pıaz - 72, sábiz - 65, kartop - 45, qant - 22, qyzylsha - 21 paıyzǵa qymbattaǵan.

 Qamshy-aqparat