5 jyldan beri naýryz merekesin toılap kele jatqan «Qyzaı ana qory» naýryz merekesi qarsańynda jyr múshaırasyn jarıalady dep habarlaıdy «Qamshy» portaly. Bul týraly qordyń tóraǵasy, uıymdastyrýshy Bazaráli Áripuly aıtty.

«Qyzaı ana qory» sońǵy bes jylda Talǵar aýdany Óstemir aýylynda naýryz merekesin toılap, halyqty naýryz dastarhanyna shaqyryp keledi. Jyl saıyn Naýryz kójemen qatar, salt-dástúrdi aıshyqtaıtyn sahnalyq qoıylymdar, ulttyq oıyndar, kúres sıaqty ulttyq sport básekeleri uıymdastyrylady. Sondaı-aq, Qor Naýryz toıyn ótkizip qana qoımaı stýdentterge stependıa, mekteptegi turmysy tómen balalarǵa kómekter uıymdastyrady.

«Qyzaı ana qory» byltyrdan beri naýryz toıy qarsańynda jyr múshaırasyn da uıymdastyra bastady. Bıyl da naýryz merekesine bir aı ýaqyt qalǵanda qor múshaıra jarıalap otyr. Múshaıranyń maqsaty: Ulystyń uly kúni Naýryz merekesin ulyqtaýmen birge búgingi jastarymyzǵa Alash rýhyn dáripteý. Qyzaı ananyń tulǵalyq, kisilik kelbetin aıshyqtap, jastarǵa ónegesin kórsetý.Múshaıranyń júlde qory: Bas júlde 200 myń, birinshi oryn 150, ekinshi oryn 100, 3- oryn 50 myńdy quraıdy.

Múshaıranyń sharty:

1. Alashorda úkimeti týraly patrıottyq óleń;

2. Qyzaı ananyń kemeńgerlik taǵlymdy ómiri men ana bolmysyna arnalǵan óleń;

3. Erkin taqyryptaǵy óleń.

4. Qatysýshylardyń jas mólsheri 35-ten aspaýy qajet. Aqyndardyń óleńderi «Ádebıet portalynda» jarıalanady. Oqyrman pikirin eskere otyryp, ádil qazylar júldegerlerdi anyqtap, aqparat quraldarynda jarıalaıdy.

Jeńimpazdar 23 Naýryz kúni saǵat 11-de Almaty oblysy, Talǵar aýdany, Óstemir aýylynda ótetin Naýryz merekesinde aqshalaı jáne baǵaly syılyqtarmen marapattalady. Óleńderdi 15 naýryzǵa deıin «Ádebıet portalynyń» elektrondy poshtasyna óziniń meken-jaıyn, telefon nómirin qosyp jiberýi kerek. Eskertý: Jeńimpazdardyń jol shyǵyny óz esebinen bolady.

Elektrondy poshta: adebiportal@gmail.com Telefon: +7 (7172) 79 82 12, 8 775 126 34 46