Almaty ákimi Baýyrjan Baıbek esep berý jınalysynda , halyqty shymkenttik, shymkenttik emes dep bólmeı, istegen isterine, eńbektengenderine qaraı baǵalaıyq dedi. Bul jóninde Tengrinews.kz jańalyqtary habarlaıdy.

Ákim mýnısıpaldy avtoparkty ne sebepti Shymkenttiń Green Bus kompanıasynyń basshylyǵyna tapsyrǵanyn túsindirdi. Onyń sózine qarasaq, kezinde «Almatyelektrotranse» kompanıasynda aqshany tıimsiz paıdalaný jóninde aqparattar anyqtaldy.

«Ózderińizge belgili eń arzan bólshekter Shymkentte satylady. Bizdiń bastyqtarymyz, jetekshi mamandarymyz jaqsy adamdar bolsa, tıimdi únemdeýge tyrysady, al pasyq adamdar benzın ornyna sý quıyp beredi, bólshekterin shashyp, bazarlarda zańsyz saýda jasaýmen aınalysar edi. Bul jaǵdaılar bir kúnderi elge kóleńkesin tıgizedi. 25 jyl boıy júrgizýshiler aqshany óz qaltalaryna salyp keldi emes pe», - dep yzasyn bildirdi Baıbek.

«Bizde Konstıtýsıa bar. Shymkenttikterdi basqalarynan tómen dep kim aıtty? Kerisinshe, qaıta sol 2 mıllıon turǵyn elimizge áldeqaıda tıimdi. Jumys olardyń emes, olar jumystyń artynan júgiredi, izdenedi, talmaı eńbek etedi. olardyń kez-kelgen iske pysyq ekenderin de aıtyp ótý kerek. Jáne dál shymkenttikter sekildi eshkim jumys isteı almaıdy. Onyń ústine bizdiń qalada Shymkenttiń týmalary kóp».

Baýyrjan Baıbektiń aıtýynsha, Green Bus kompanıasyna basshylyqty tapsyrǵany – óte durys sheshim.

«Nege shymkenttik kompanıa? Sebebi, Shymkent – turǵyndar sanny kóp úlken qala. Árń Green Bus qashan da oń nátıje kórsetetin jeke kompanıa. Biz baıqaý júrgizgende Shymkenttiń kompanıasy jeńiske ıe bolǵan edi. Biz bul tańdaýda qatelespedik. Bul kompanıa talaı qaryzdardy jaýyp, 137 avtobýsty óz esepterine satyp alǵan».

Baıbektiń sózine qarasaq, qoǵamdaǵy transporttyń burynǵy júıesi qaıtyp kelmeıdi.

«Sol úshin shymkenttikterdi bólýdiń qajeti joq. Onyń bári qısynǵa qonbaıtyn áńgimeler. Týyp ósken jerine emes, adamnyń ózine qaraýymyz kerek, onyń isine kóńil aýdarýymyz kerek», - dep sózin jalǵastyrdy.

Aýdarǵan: Gúlim JAQAN