2017 jyly 13-18 aqpan kúnderi arasynda Medeý aýdanynyń ákimi Erjan Jylqybaev halyq aldynda esep berdi dep habarlaıdy «Qamshy» portaly.
2017 jyly 13 aqpanda Medeý aýdanynyń ákimi Erjan Jylqybaevtyń 30 okrýg turǵyndarymen eseptik kezdesýi bolyp ótti.
Kezdesýge turǵyndar, densaýlyq, bilim berý, qoǵamdyq oryndar, kishi jáne orta bıznes ókilderi, PIK, zeınetkerler, ardagerler, qalalyq jáne aýdandyq qyzmetterdiń ókilderi qatysty.
Medeý aýdanynyń ákimi E.J.Jylqybaev №30 okrýg turǵyndary aldynda 2016 jyldyń aýdandaǵy negizgi áleýmettik-ekonomıkalyq kórsetkishteri men 2017 jyldyń josparlary jóninde, elimizde ótken reformalardy júzege asyrý jáne Elbasynyń «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynyń tapsyrmalaryn júzege asyrý barysy týraly baıandama jasady.
Kezdesýde turǵyndar tarapynan Dıvaev kóshesine asfált jabyndysyn tóseý, «Tazalyq» PIK jumysy, Bógenbaı batyr kóshesine aryq júıesin júrgizý, aýdan aıaldamalarynda transport belgilerin qoıý, aýlalarda beınekameralar ornatý jónindegi suraqtar kóterildi. Óz kezeginde aýdan basshysy kóterilgen suraqtar jaqyn arada óz sheshimin tabatyndyǵyn málimdedi.
Kezdesýdi qorytyndylaı kele turǵyndar qalada jáne aýdanda ótken áleýmettik-ekonomıkalyq reformalarǵa oń nátıjesin berdi.
2017 jyldyń 14 aqpanynda Oqýshylar saraıynda 29 okrýg turǵyndary aldynda aýdan ákimi Erjan Jylqybaevtyń esep berý kezdesýi bolyp ótti. Kezdesýge aýdan qyzmetteri men mekemeleriniń basshylary jáne aýdan turǵyndary qatysty.
Aýdan ákimi E.Jylqybaev turǵyndar aldyna shyǵyp, ótken jyldyń atqarylǵan jumystarynyń qorytyndylarymen tanystyrýdy jalǵastyrdy. 2016 jyly 37 km-den asa, ıaǵnı 92 kóshege jóndeý jumystary júrgizildi. Mysaly, Shashkın, Gornovostochnaıa, J.Omarova, Qaıyrbekova, Z.Kosmodemánskaıa jáne t.b. kósheler.
Olardyń 27 km aýdan aımaǵyna qosylǵan «Sulýsaı», «Kólsaı», «Aqqaıyń» yqsham aýdandarynyń joldary jóndeýden ótti. Kópten kútken 2 km qashyqtyqtaǵy Tóle bı kóshesi boıymen Qaıyrbekov kóshesinen shyǵys aınalma jolyna deıin jol aıryǵy ashyldy.
Jaqsy jáne qanaǵattanarlyq jaǵdaıdaǵy qurylys jáne jóndeý jumystary júrgizilgen joldar qashyqtyǵy 288 km qurady.
11 ýchaskede (Aryqov, Potanın, Qonaev, Qaldaıaqov, Raıymbek, Eskendirov, I.Qońyr, Talǵar tas joly, Fýrmanov/Jibek Joly, Qonaev/Álimjanov kósheleri) kóktem mezgilinde joldar men turǵyn úıler mańynda sý deńgeıi kóterilgen bolatyn, jaýyn sýy men erigen qar sýlarynyń aǵyzýyn jaqsartý maqsatynda aryq júıelerine jalpy qashyqtyǵy 2,4 km bolatyn jóndeý jumystary júrgizildi.
Sonymen qatar, aýdanda qaýipsizdikti qamtamasyz etýde qylmys deńgeıin tómendetýge erekshe kóńil bólinip otyr.
Búgingi kúni «Qaýipsiz aýla» jobasy aıasynda 2 myń beıne baqylaý qurylǵylary qoıyldy. Aýdan boıynsha tutas alǵanda 10 myń baqylaý qurylǵysy qoıylǵan. Bıylǵy jyly buqara jınalǵan oryndardyń barlyǵyna beıne baqylaý ornatý boıynsha joba bastalyp otyr (saıabaqtar, skverler, alańdar jáne t.b.).
Jol jóndeý, balalar aýlasy, kóshelerdi jaryqtandyrý, jol ótkelderi - aýdan ákimi Erjan Jylqybaevtyń 2017 jyldyń 15 aqpanynda ótken 28 okrýgtiń turǵyndary aldyndaǵy esep berý kezdesýindegi eń negizgi suraqtar boldy. Sharaǵa qalalyq máslıhattyń depýtaty M.Ádilhanov, aýdan qyzmeti men qurylymdardyń basshylary men turǵyndar qatysty. Aýdan basshysy Erjan Jylqybaev 2016 jyldyń áleýmettik-ekonomıkalyq damýy týraly aqparattan bastady. Ol - ónerkásip, qurylys, kóriktendirý, áleýmettik sala jáne mádenıet salalary jónindegi máseleler. Baıandama men slaıdtaǵy kórsetkishter aýdanda kóptegen ister jasalǵanyn kýálandyrady. Eseptik kezdesý barysynda turǵyndar tarapynan qoıylǵan suraqtarǵa naqty jaýaptar berildi. Sonymen qatar, kúrdeli máseleler baqylaýǵa alynyp, múmkindiginshe sheshimin tabatyn bolady.
16 aqpan kúni «Alataý» yqsham aýdanynda Medeý aýdanynyń ákimi Erjan Jylqybaevtyń qorytyndy eseptik kezdesýi bolyp ótti. Kezdesýge Almaty qalasy máslıhatynyń depýtaty Á.Nábıev, qalalyq jáne aýdandyq qyzmetterdiń ókilderi, quqyq qorǵaý organdarynyń qyzmetkerleri, turǵyndar, bilim berý, densaýlyq saqtaý salalary jáne qoǵamdyq uıymdar qatysty.
Aýdan basshysy E.Jylqybaev «Alataý» yqsham aýdany turǵyndarynyń aldyna aýdannyń 2016 jyldyń negizgi áleýmettik-ekonomıkalyq kórsetkishteri jáne 2017 jylǵa arnalǵan josparlar, ótken reformalardy júzege asyrý maqsatyndaǵy mindetter men negizgi baǵyttar týraly jáne de Elbasynyń halyqqa Joldaýyndaǵy tapsyrmalardy oryndaý barysy týraly baıandama jasady.
Kezdesýdegi negizgi máseleler jol jóndeý, turǵyn úı máseleleri, yqsham aýdandaǵy kóshe jaryqtary, aýlalar men balalar alańdaryn kóriktendirý, sondaı-aq qoǵamdyq kólik kestesi máselelerine baılanysty boldy.
Medeý aýdanynyń ákimi E.J.Jylqybaevqa turǵyndar tarapynan suraqtar qoıylyp, naqty jaýaptar berildi. Turǵyndardyń kóptegen suraqtaryna jaýaptar sol jerde berildi, al kúrdeli suraqtardy sheshý úshin ákim óziniń jeke baqylaýyna aldy.
2017 jyly 17 aqpanda Qazaq memlekettik Jambyl atyndaǵy fılarmonıasynda Medeý aýdanynyń ákimi Erjan Jylqybaevtyń 30 okrýg turǵyndaryna esep berý kezdesýi jalǵasyn tapty.
Eseptik kezdesý jumysyna Almaty qalalyq máslıhat depýtattary Á.Nábıev jáne B.Sadyqov, bilim berý, densaýlyq saqtaý salalary, qalalyq jáne aýdandyq qyzmetter, quqyq qorǵaý organdarynyń ókilderi men turǵyndar qatysty.
Kezdesý barysynda aýdan ákimi «2016 jyldaǵy Medeý aýdanynyń áleýmettik-ekonomıkalyq damý qorytyndylary jáne 2017 jylǵa damý perspektıvalary týraly» baıandamasymen halyq aldyna shyqty.
Ary qaraı, ótkizý tártibine sáıkes turǵyndardan eskertpeler men usynystar qabyldanyp, qoıylǵan suraqtardyń barlyǵyna naqty jaýaptar berildi, sondaı-aq túsken eskertpeler men usynystar baqylaýǵa alyndy.
Barlyǵy – áleýmettik sıpattaǵy suraqtar tústi, olar: jol jóndeý, aıaldama keshenderi men jaıaý júrginshiler jolyn salý, kóshe tazalyǵy, qoǵamdyq kólikter, sport alańdaryn salý jáne t.b.
Medeý aýdanynda 2017jyly Memlekettik jeke seriktestik aıasynda Dýman jáne Kóktóbe syndy yqsham aýdandarynda jekemenshik 20 bala baqsha ashylatyn bolady. 2016 jyly jekemenshik 24 bala baqsha ashylypty!
