Nınhaı qalasyndaǵy Chjeszán aýmaǵynda turatyn 94 jasar Chjan Heksıa ájeı 4 jasynan bastap Kýng-fý ónerimen aınalysyp keledi.

Kýng-fý óneriniń eń úlken sheberi jaıynda «TT-Info» portaly jazady.

Ájeıdiń ár tańy qytaıdyń jekpe-jek ónerine arnalǵan jattyǵýlarymen ótedi. Búgingi kúni jasy 94-ke kelip qalǵan ájeı kýng-fý ónerin tolyǵymen meńgergen. Turǵyndar ony «kýng-fý ájeı» dep atap ketken eken.

Chjan Heksıannyń uly tilshilerge bergen suhbatynda bylaı deıdi: «Ol ár kúni tań atpastan tańǵy jattyǵýlar jasaýǵa kirisedi, jattyǵý barysynda aýyl mańynda serýendep júrgendi jaqsy kóredi»

Sondaı-aq, jigit anasynyń jas kezinde aýyl turǵandaryn únemi buzaqylardan qorǵap júretinin aıtty. Ájeı birde er adamnyń óz áıelin soqqyǵa alyp jatqanyn baıqap qalady da, birden kómekke umtylyp, er adamdy jekpe-jekke shaqyrady. Áıel adamnyń kúshiniń tasyp turǵanyn baıqaǵan er kisi, basyn ala qasha jóneledi.

Chjan Heksıannyń ulynyń sózine kóńil aýdarsaq, qart ájeıdiń uzaq ómir súrýiniń qupıasy onyń aınalasyndaǵylarǵa degen jyly qarym-qatynasy, sondaı-aq árdaıym kómekke daıyn turatyn janashyr minezi deıdi.

Kórshileri de Chjan Heksıannyń jasynyń ulǵaıǵandyǵyna qaramastan, tańǵy jattyǵýlaryn úzbeıtinin aıtty. 

Aýdarǵan: Gúlim JAQAN