21 aqpan kúni mýzeıler men týrısik mekemeler ekskýrsovodtardyń halyqaralyq kúnin atap ótedi. Bul kúndi ekskýrsovodtardyń halyqaralyq federasıasy 1990 jyldan bastap resmı túrde bekitken bolatyn. Qazirgi ýaqytta elimizde ekskýrsovod mamandarǵa suranys joǵary ári olardyń qyzmeti erekshe baǵalanady. Osy ataýly kúnge oraı, kazmuseum.kz saıty Qazaqstandaǵy úzdik ekskýrsovodtardyń tizimin usynady.
Raıhan IMAHANBET. Almaty qalasynda ornalasqan Ahmet Baıtursynulynyń mýzeı-úıiniń meńgerýshisi ári ekskýrsovody. Ult ustazynyń muralaryn mýzeı qonaqtaryna ǵana emes, qoǵam arasynda keńinen nasıhattap júrgen Raıhan Imahanbetti kópshilik jaqsy tanıdy. A.Baıtursynulynyń mýzeı-úıin ınstıtýsıonaldyq dárejege deıin kóterýdi maqsat etken onyń tilegin jýyrda Úkimet basshysynyń orynbasary (eks-vıse-premer) Imanǵalı Tasmaǵambetov qabyl alyp, úkimetke arnaıy tapsyrma bergen bolatyn.
Oksana TANSKAIa. Almaty qalasyndaǵy Á.Qasteev atyndaǵy óner mýzeıinde 2013 jyldan beri ekskýrsovod bolyp jumys isteıdi. Halyqaralyq deńgeıdegi birneshe kórmege gıd retinde de tabysty qyzmet etip júr. Á.Qasteev mýzeıiniń qonaqtary Oksanany mýzeı mamany retinde joǵary baǵalaıdy. Sondaı-aq, Oksana qazaqstandyqtarǵa túrli-tústi jýrnaldarda shyqqan materıaldary men telearnalardaǵy suhbattary arqyly keńinen tanymal.
Ánel KEMAL. Qazaqstan Respýblıkasy Ulttyq mýzeıiniń ekskýrsovod mamany. Mýzeı qonaqtaryna qazaq tilinde ekskýrsıalyq qyzmet kórsetip kele jatqan Ánel Kemal búgingi kúni áleýmettik jelilerde de tanymal.
Dáýlet QADYROV. Qazaqstan Respýblıkasy Qorǵanys mınıstrliginiń Áskerı-tarıhı mýzeıiniń ekskýrsovod mamany. Ol Áskerı-tarıhı mýzeıdegi ekskýrsıalyq qyzmetin Memleket basshysy Nursultan Nazarbaevqa mýzeı ekspozısıasyn tanystyrýdan bastaǵan bolatyn. Dáýlet búgingi kúni áleýmettik jeliler arqyly tanymal ári mýzeı qonaqtarynyń oń pikirine ıe bolyp úlgergen jas ekskýrsovod.
Qýanysh TYNYBEK. Temirtaý qalasyndaǵy QR Tuńǵysh Prezıdenti mádenı ortalyǵynyń ekskýrsovod mamany. Temirtaýǵa barǵan qonaqtar Prezıdenttiń mádenı ortalyǵyna mindetti túrde bas suǵady. Qýanysh Tynybektiń júrgizgen ekskýrsıasyn erekshe yntamen tyńdap, erekshe áser alǵandyqtaryn aıtady.
Aıdana JANBOSYNOVA. Qazirgi ýaqytta Jezqazǵan tarıhı-arheologıalyq mýzeıinde ekskýrsovod bolyp jumys isteıdi. Aıdana qaladaǵy mýzeıge ǵana emes, Ulytaý-Jezqazǵan óńiriniń tarıhı-mádenı eskertkishterine de ekskýrsıa júrgizedi. Mýzeıdegi «Jas arheolog» úıirmesine jetekshilik etedi.
Gúlmıra ARYSTANBAEVA. Otyrar qoryq-mýzeıinde ekskýrsovod bolyp qyzmet etip kele jatqanyna 10 jylǵa jýyqtady. Mýzeıdegi ekskýrsıamen ǵana shektelmeı, Ońtústik Qazaqstan oblysyndaǵy kolejder men kásiptik oqý oryndarynda mýzeı salasy boıynsha taqyryptyq dárister oqyp turady. Gúlmıranyń ózge áriptesterinen ereksheligi – ol úsh tilde erkin ekskýrsıa jasaı alady.
Altyn ORYNBAEVA. Almaty qalasynda jańadan ashylǵan qala tarıhy mýzeıiniń alǵashqy ekskýrsovody Altyn desek te bolady. Mýzeıdiń ashylýyna kelgen Memleket basshysy Nursultan Nazarbaevtyń ózi bata berip, jumysyna sáttilik tilegen. Arheologıa jáne etnologıa mamandyǵy men óner tarıhy mamandyqtary boıynsha bilim alǵan Altyn ǵylymı jumystarmen de shuǵyldanady.
Ásel AMARǴAZIEVA. Esik mádenı-tarıhı qoryq-mýzeıiniń ǵylymı qyzmetkeri, ekskýrsovody. Áriptesteri Áseldi mýzeı isi shyǵarmashylyǵyna berilgen maman dep sanaıdy. Ol qurastyrǵan arnaıy nusqaýlyqtar men ádistemelik qajetti quraldar mýzeı qonaqtarynyń kóńilinen shyǵyp júr. Esik qoryq-mýzeıine joly túskender Áseldiń ekskýrsıasynan zor áser alǵandyqtaryn jıi aıtady.
KAZMUSEUM.KZ Barlyq ekskýrsovodtardy merekelerimen shyn júrekten quttyqtap, shyǵarmashylyq tabys jáne ósip-órkendeý tileıdi!
Mýzeı mamandaryn ádistemelik-aqparattyq turǵydan qoldaýǵa arnalǵan «KAZMUSEUM.KZ» qory atynan joǵaryda atalǵan ekskýrsovod-mamandarǵa arnaıy sertıfıkatyn poshta arqyly jýyrda joldaıtyn bolady.
