Japonıalyq pop-juldyzdardyń ómiri adam sengisiz. Óner jolyna kelgen kúnnen bastap japon ánshileriniń qol-aıaqtary baılanady, ár basqan qadamy prodúserleriniń kóz aldynda bolady, kelisimshartqa otyrady. Shart buzylǵan jaǵdaıda, ánshi qatań jazalanady. Jaı jaza emes, dúıim jurttyń kóz aldynda jazaǵa tartylady eken. Bul jaıynda aqparat lenta.ru saıtynda jarıalandy.
Sońǵy múmkindik
Japonıa ánshileri birden juldyzǵa aınalyp kete almaıdy. Halyqtyń kózine túsip, ataqty bolý úshin birneshe jyldaryn tek óner jolyna arnaıdy. Sondaı ánshilerdiń biri – Mıký Tanabe.
Mıký Tanabe 10 jyldan asa japondyq AKV48 rok-grýppasynyń múshesi boldy. Top quramynda 300-deı qatysýshy bolǵandyqtan, ony eshkim esinde saqtap qalmaǵan. 2014 jyly top jankúıerleri eń tanymal ánshini tańdaǵanda, Mıký 71-oryndy ıemdendi. Ol tipti telearnalarǵa da shaqyrylǵan joq, al konsertterde eń sońǵy oryndarda turatyn.
Japonıada ánshiniń jasy 25-ke tolǵanda toptan shyǵarylady. Al, Mıkýdyń jasy 24-ke tolǵanda, ataq-dańq, mártebe jaıyndaǵy oılardan úmitin úzedi. Biraq óz blogynda «Sońǵy jyldar qalsa da, men qolymnan kelgenin aıanyp qalmaımyn» dep jazdy. Ánshiniń eń sońǵy múmkindigi boldy – «Tas, qaıshy, qaǵaz» oıynynda jeńiske jetý.
Ol oıynǵa AKV48 tobynyń kez-kelgen múshesi qatysa alady. Eger Mıký oıynda jeńiske jetse, prodúserler oǵan topta birneshe jyl jeke án salýshy bolýyna múmkindik beredi. Bul oıynǵa boıjetken 6 jyldan beri qatysyp keledi, biraq árdaıym jeńilis tapqan.
Alaıda, sońǵy múmkindigi sátti boldy. Mıký qarsylastarynyń aldyn orap, aqyry jeńiske jetedi.
Mıký Tanabe jeńiske jetý úshin óner jolyna 10 jylǵy ómirin arnap, aqyry ózin kórsetetin múmkindikke ıe boldy. Toptyń jeke ánshisi boldy. Toptyń 7 múshesimen birigip, án jazdyrdy. Bundaı múmkindiktiń ekinshi qaıtyp kelmeıtinin túsingen Mıký tanymal ataný úshin qoldaǵy bar múmkindigin paıdalandy.
J-Pop lagerindegi ánshilerdiń jumys kúnderi
Japonıa prodúserleri óz ánshilerine qarapaıym jumysshy retinde qaraıdy. AKV48 syndy toptyń quramyna kirý úshin úmitkerdiń daýysy da, talanty da, tipti syrtqy kelbeti de mańyzdy bolmaıdy. Batystyń ár tanymal adamy halyq úshin qudaı ispetti bolsa, Japonıa men Ońtústik Koreıanyń ánshileriniń qarapaıym jumyskerlerden esh aıyrmashylyǵy joq dese de bolady.
Japonıada pop-juldyzdaryn «put» dep ataıdy eken. Puttar, birinshiden, bar ómirlerin kareraǵa arnaý jóninde kelisim shartqa qol qoıady. Olardan talant pen sulýlyq talap etilmegenimen, alda olardy jumystyń eń aýyry kútedi.
Topqa jańadan qosylǵan músheler arnaıy jataqhanalarǵa jiberiledi. Jataqhanada qyzdarǵa árdaıym daıyndyq ótkiziledi: án aıtý, bı bıleý, sondaı-aq akterlik sheberlik kýrstary ótip túrady.
Eń bastysy, kelisimshartta kórsetilgendeı ártisterge romantıkalyq qarym-qatynasqa tyıym salynǵan. Eshqandaı kezdesýlerdiń bolmaýyn qatań qadaǵalaıtyndar da bar. Puttardyń ary taza bolýy shart eken.
Mıssýrı-Sent-Lýıs ýnıversıtetiniń profesory Laýra Mıller osyǵan qatysty óz pikirin jetkizdi: «Qyzdyń basy bos bolsa, jankúıerleri de kóp bolady. AKV48 toby bul jaǵdaıdy tıimdi bızneske aınaldyryp otyr. Satylymǵa shyqqan ár dıskke «súıikti putyńmen kezdesip, qolyn alatyn múmkindigiń bar» dep jankúıerlerine arnap jarnama jasap qoıǵan.
Tyıym salynǵan mahabbat
Top múshelerine jigitpen kezdesýge tyıym salynǵandyqtan, jasyryn túrde kezdesýlerge shyǵyp júrgen ártister boldy. Jasyryn kezdesip júrip, ustalyp qalǵan ártisterdiń biri – Mınamı atty ánshi. Kelisim shartty buzǵany úshin Mınamıdy shashyn taqyrlap alyp tastaý arqyly jazaǵa tartty. Kamera aldynda Mınamı jylap otyryp, jankúıerleriniń jáne top basshylarynyń aldynda keshirim surady.
Aqyry, qyz toptan qýylmaıtyn boldy. Esesine, eń sońǵy qatarda turyp óner kórsteýge májbúr bolady. Bul top músheleri úshin aýyr jaza bolyp tabylady.
«Puttar» dep atap júrgen ánshiler de tiri pende emes pe? Bundaı jaǵdaı birneshe ártistiń basynan ótken. Birneshe ánshiniń mansaby jasyryn kezedsýlerdiń kesirinen toqtap qalǵan. Rıno Sasıhara esimdi ánshi burynǵy jigitiniń kesirinen jazaǵa tartyldy. Jigiti qyzdyń ıntımdi sýretterin jelide taratqany úshin, Rıno shoý-bıznesi damymaı qalǵan Tokıoǵa aıdalldy.
Aıta keterligi, bundaı kelisim shart tek qyzdarǵa ǵana emes, jigitterge de qatysty. KAT-TUN tobynyń múshesi Dzın Akanısı jasyryn úılenip alǵanynyń kesirinen, óner jolyndaǵy barlyq múmkindikterinen aıyrylady.
Shartty buzǵandar (joldan taıǵandar)
Prodúserlerdiń mazaǵyna shydaı almaı, shyǵyp ketken «puttar» da boldy. Jigitterden quralǵan SMAP toby prodúsersiz, jeke top bolyp qurǵylary kelgen eken. Aqyr sońynda, ánshiler telearnaǵa shaqyrylyp, SMAP tobynyń jetekshisi 84 jasar Djonnı Kıtagavydan jurt aldynda keshirim surady.
Bundaı jaza Japonıanyń kóp ánshileri úshin úlken sabaq boldy.
Aýdarǵan: Gúlim JAQAN
