Bir ǵasyrlyq tarıhy bar «Jas Alash» gazetiniń bas redaktory aıaq astynan aýysyp ketti. Gazetti birneshe ýaqyt basqaryp kelgen Rysbek Sársenbaıdyń ornyna onyń uly – Nurlan Sársenbaı taǵaıyndaldy.

Rysbek Sársenbaıdyń aıtýynsha, búginnen bastap ol bul qyzmetten shettetilipti.

 – Quryltaıshylardyń mundaı sheshim qabyldaǵany ras. Belgili bolǵandaı, atalmysh baspa aksıalarynyń 75%-y Saltanat Atýshevanyń ıeliginde (Altynbek Sársenbaevtyń jubaıy). Qalǵany ázirge ózimde qaldy. Osy oraıda ol mundaı sheshim qabyldaýǵa quqyly. Maǵan gazet taralymy azaıdy nemese onyń onlaın-nusqasyn damytpady degen kiná taǵylýy múmkin. Biraq, negizinen, Saltanat Atýshevaǵa bul turǵyda qysym jasalǵan sıaqty" - dep málimdedi Rysbek Sársenbaı.

Jańa qyzmetke taǵaıyndalǵan Rysbek Sársenbaıdyń 42 jastaǵy uly Nurlan Sársenbaıdyń tilshilik tájirıbesi joq. Bul ýaqytqa deıin ol Qazaqstannyń túrli elderdegi elshilikterinde dıplomatıalyq qyzmet atqaryp kelgen eken. Bul jaıynda onyń ákesi Rysbek Sársenbaı aıtyp berdi.

Aıta keter bolsaq, "Qamshy" tilshisi "Jas Alash" gazeti redaksıasynyń da burynǵy mekenjaıynan aıaqasty kóship ketkenin anyqtady. Alaıda, oǵan gazettiń búginge deıingi qyzmetkerleri qarsy pikirde. Gazet redaksıasynyń kóship ketkenin olar da bilmeı qalǵan. Alaıda, gazet saıtyndaǵy mekenjaı ázirge ózgergen joq.

Sonymen qosa Gazettiń saıttaǵy málimetinde Bas redaktor áli Rysbek Sársenbaıuly bolyp jazylyp tur.