Eger tabıǵatpen etene jaqyn bolǵyńyz kelse, bıiktigi 65 fýt bolatyn aǵashta ornalasqan áınek úı sizge arnalǵan. Áınek úı salý 2013 jyly almatylyq sáýletshi Aıbek Almasovtyń oıyna kelgen. Al, ınvestor jobany tek osy jyly ǵana maquldaǵan. Úıdiń qurylysyn 2017 jyly bastaý kózdeldi, dep habarlaıdy bnews.kz jańalyqtary.

«Kez-kelgen úıdi salý úshin aǵashtardy kesýge týra keledi. Al, men tabıǵatqa zıan keltirmeıtindeı qalaı qurylys bastaýǵa bolatynyn oılastyrdym», - deıdi Aıbek.

2017 jyldyń maýsymynda qurylysty bastaý josparlanýda. Ol úshin jas kásipker brıgada jınap júr.

«Úı Almatynyń taýly aımaǵynda ornalasady. Jáne brondap qoıǵan jaǵdaıda, kez-kelgen adam úshin esigi ashyq. Úıdiń eń basty ereksheligi 4 qabatty úıdiń áıneginen  shyrshalarǵa toly ormandy tamashalaı alasyzdar», - dedi jas sáýletshi.

Aıbek Almasovtyń aıtýynsha, jatyn bólmelerdiń ornyna 4 adamǵa arnalǵan demalys bólmeleri salynatyny kózdelip otyr.

«Úıdiń áınekten jasalǵany qorshaǵan orta úshin qolaıly. Úıdiń ishin kúnniń kózinen qýat alatyn esla Powerwall akýmýlátorymen jylytatyn bolamyz. Úıdiń ústińgi qabaty jańbyr sýyn sińirip, tazartyp otyrady», - dep sózin aıaqtady Aıbek. 

Aýdarǵan: Gúlim JAQAN