Shetten oralǵan etnıkalyq qazaqtar arasynda patrıottyq óleńderimen tanylǵan aqyn, jýrnalıs Erlan Tóleýbaıdyń «Saǵan keldim Atajurt» atty áni jaryqqa shyqty dep habarlaıdy «Qamshy» portaly.

Ánniń sózi  «Saǵan keldim atajurt» atty óleńi aqyn Muratqan Shoqan 2001 jyly 7 qazanda Atajurtqa oralǵanda jazǵan.

«Saǵan keldim ata jurt,
Qańǵyryp kelgen ul deme,
Tuıaǵy tozǵan tul deme,
Qyzyǵyp kelip turǵam joq,
Úlde menen búldeńe,
Saǵan qaraı súıreıdi,
Qanymdaǵy birleńe!», - deıtin óleń joldaryndaǵydaı, án Atajurtty ańsaǵan shettegi qazaqtardyń Atamekenge, týǵan otanǵa degen mahabbatyn aıshyqtaıdy.

Ándi erekshe daýys ıesi, Altaıdyń ar jaǵynan kelip, Alataýdyń aspanyn ánmen terbetip júrgen Bıbigúl Qılymhanqyzy oryndaǵan.

Ánniń tusaýy búgin «Qazaqstan» arnasynyń «Tańsholpan» aqparattyq sazdy tańǵy baǵdarlamasynda kesildi. Baǵdarlamaǵa án avtory Erlan Tóleýbaı men oryndaýshy Bıbigúl Qılymhan qonaqta boldy.

Kópti jańa ánderimen jıi qýantyp júrgen Erlan Tóleýbaı jańa áni týrasynda: «Sheteldegi qaı qazaqtyń bolmasyn Atajurtqa saǵynyshy – táýelsizdik alǵan tutsa alǵashqy bop jetip, qazaq topyraǵyna sájde qylǵan Halıfa Altaıdyń, keshegi Mustafa Óztúrikterdiń saǵynyshynan kem emes. Men de otaý qura sala besigimdi Qazaq elinde, Ata topyraǵynda terbeteıin, urpaǵym elimen aralassyn dep ańsap jetken edim, bul án sondaı saǵynyshtardyń, tebirenisterdiń týyndysy», - deıdi.  Erlan Tóleýbaıdy halyq aqyn retinde, kompozıtor ǵana emes, qoǵamdyq máselelerdi jıi jazyp júrgen jýrnalıs retinde de jaqsy tanıdy.