Keshe, Úkimet otyrysy barysynda QR Premer-Mınıstri Baqytjan Saǵyntaev sý tasqyny maýsymyna ázirlik úshin qabyldanyp jatqan sharalar týraly baıandamalardy tyńdap, azamattar men ınfraqurylym nysandarynyń qaýipsizdigin qamtamasyz etý boıynsha birqatar tapsyrmalar berdi.

Otyrys barysynda mınıstrler men Soltústik Qazaqstan, Shyǵys Qazaqstan, Almaty, Qaraǵandy, Aqmola jáne Ońtústik Qazaqstan oblystarynyń ákimderi sóz sóılep, aldaǵy sý tasqyny maýsymyna oraı qabyldanyp jatqan ázirlik sharalary týraly aqparattandyrdy.

Baıandamalardy tyńdaǵan soń QR Premer-Mınıstri Baqytjan Saǵyntaev sý tasqyny kezeńin ótkizý birneshe máselelerge baılanysty ekenin atap ótti, naqty aıtqanda, ol qarjylandyrýǵa, sý qoımalarynyń bos kólemine, apatty gıdrotehnıkalyq qurylystardyń jóndelýine jáne ıesiz sý qoımalarynyń kúıine baılanysty. 

Sonymen qatar B. Saǵyntaev bolashaqta qaıǵyly jaǵdaılar oryn almas úshin sý tasqyny kezeńine ázirlik tásilderin qaıta qarastyrý qajettigin basa aıtty.

Premer-Mınıstrdiń birinshi orynbasary Asqar Mamın óńirlerde tasqynǵa qarsy sharalar jospary ázirlenip, barlyq qajetti resýrstardy jumyldyrý jumystary júrgizilýde ekenin aıtty. Sonymen qatar, A. Mamın gıdrotehnıkalyq qurylystardyń tehnıkalyq jaǵdaıyna nazar aýdarý kerektigin aıtty.

QR Premer-Mınıstri Baqytjan Saǵyntaev óziniń birinshi orynbasary A. Mamınge sý tasqyny kezeńine ázirlik barysyn baqylaýǵa alýdy tapsyrdy.