Almaty Qarjy polısıasynyń eks-basshysy men 35 adam sotta jaýapqa tartyldy, dep habarlaıdy informburo.kz, málimettiń qazaqsha nusqasyn «Qamshy» portaly oqyrman nazaryna usynady.
Tergeý jumystary barysynda qarjy polısıa basqarmasynyń tóraǵasy Ámirhan Amanbaevtyń qatysy bar ekendigi belgili bolǵan UQT isine qatysty úkimdi Almaty qalasyndaǵy tergeý ızolátorynda oqyp berdi.
Ámirhan Amanbaevtyń dúnıe-múlkin tárkilep, 14 jylǵa bas bostandyǵynan aıyrdy. Sonymen qatar ómiriniń sońyna deıin memlekettik qyzmetke ornalasa almaıtyn boldy.
Amanbaevty «Qurmet» ordeni men basqa da memlekettik nagradalarynan aıyrý jaıly úkim Elbasyǵa tanystyrylyp, «3-shi synypty memlekettik keńesshi» sheninen aıyryldy.
Oǵan 6 bap boıynsha aıyp taǵylǵan:
- 28, 5b. – Zańsyz is-áreketterge kómek kórsetý;
- 215, 3b. – Memlekettik fýnksıalardy atqarý úshin ótirik ýákiletti adam jasaý;
- 263, 4b. – Óziniń qyzmetin asyra paıdalana otyryp, qylmystyq qaýym qurý nemese basshylyq etý;
- 218, 3b. – Qylmystyq jolmen alynǵan qarjyny nemese basqa da múlikterdi zańdastyrý;
- 307, 4b. – Qyzmetin asyra paıdalanyp, aýyr qylmystar jasaý;
- 311, 5b. – Kólemdi túrde para alý.
UQT isi boıynsha jaýapqa tartylýshylardyń biri – Evgenıı Bronnıkov aqtalyp shyqty.
UQT tóraǵalarynyń biri Sergeı Ilınniń dúnıe-múlkin tárkilep, qatań rejımde 16 jyl jazasyn óteýge úkim shyǵardy.
Basqa sottalýshylar: Almaty qalasy Medeý aýdany boıynsha Memlekettik kiris basqarmasynyń eks-basshysy Eldos Jeksembınov, «Qazaqstan ındýstrıaldy bank» AQ-nyń eks-tóraǵasy Nurlan Shaýkerov, «VAZ-Interservıs» TOO qaraǵandylyq avtoservıs dırektory Andreı Zýbarev, Almatydaǵy jemqorlyqqa qarsy departament basshysynyń eks-orynbasary, qarjy polısıa polkovnıgi Muratbek Qazybaev, almatylyq jemqorlyqqa qarsy departament basshysynyń eks-orynbasary polkovnık Qanat Artyqbaev, Oral qalasy prokýrorynyń eks-orynbasary Amangeldi Beısembaev jáne basqalary 3 pen 16 jyl aralyǵynda bas bostandyǵynan aıyryldy.
Derekkózderdiń aıtýynsha, jergilikti BAQ «qara general» dep ataǵan Amanbaevtyń UQT seriktesteri 78 ýákiletti adamdardy taǵaıyndap, 77 mlrd. teńge kóleminde aqsha jymqyrǵan.
Aýdarǵan: Nazerke Labıhan
