Sınhrondy júzýden ulttyq quramanyń burynǵy músheleri Áıgerim Jeksembınova, Aısulý Naýryzbaeva, Áıgerim Isaeva, Amına Ermahanova men Aınur Kereı-Baımahanova eksklúzıvti suhbat berdi, dep habarlaıdy prosports.kz
Azıa oıyndarynyń qola júldegerleri, halyqaralyq dárejedegi sport sheberleri Dmıtrıı Balandındi jala japqany úshin sotqa bermek. Birneshe kún buryn Dmıtrıı Balandın óziniń ınstagramm paraqshasynda sınhrondy júzý sportshylarynyń ashyq hatyna baılanysty «joqqa shyǵarý» atty jazba jarıalaǵan. Alaıda, atalmysh daý-damaı júzýshi qyzdardyń nazarynan tys ótpeı, olar Balandınge óz narazylyǵyn bildirdi. 
Krıstına Tynybaeva men Rıo Olımpıadasynyń chempıony Dmıtıı Balandın ózderiniń paraqshasynda jarıalaǵan jazbasynda «Ulttyq qurama múshelerine jala japqan joqpyz. Búkil shaǵymymyz naqty dáleldermen keltirilgen», - dedi. 
Endi tarmaqtar boıynsha jaýaptarǵa kósheıik: 
2015 jyldyń aqpan aıynan qyrkúıekke deıin Isaeva Áıgerim men Jeksembınova Áıgerim jalaqy alǵan joq. Alaıda, Demchenko Janna Gennadıevna bizge jalaqy tólep beremin dep ýáde bergen. 
Al júzý kıimderine kelsek, hattyń 3-shi tarmaǵynda: «júzý kıimderin óz aqshamyzǵy satyp aladyq» dep anyq jazdyq. Al Krıstına Tynybyaeva óziniń jazbasynda sózimizdi burmalap, «bizdi kıim alýǵa májbúrlemedi» degen. Búdjetten bólingen jáne demeýshilerdiń aqshasyna kıim tımegeni tań qaldyrady. 
Qurama músheleriniń basym kópshiligi Astana qalasynyń atynan óner kórsetedi. Alaıda, olar Astana qalasynan jalaqy alǵan emes. 2010 jáne 2014 jlǵy Azıa oıyndarynyń qola júldesi úshin de syıaqy almadyq. «Qazirgi qurama» bizdi «jalǵan qurama» dep atap úlken qatelik jiberdi. Shynyn aıtqanda biz ulttyq quramanyń burynǵy múshelerimiz. Soǵan bola «jalǵan qurama» atanǵanymyz ba? 
Qazirgi qurama músheleri qarjy máselesi jaıly kóp nárseni bilmeıdi. Oǵan birneshe mysal dálel. Birinshiden, olar quramaǵa bizden keıin keldi. Basym kópshiliginiń kelgenine bir jyldaı ǵana boldy. Al qalǵandary 2015-2016 jyly sınhrondy júzýshiler quramadan ketken kezde ǵana alyndy. Senbeseńizder muraǵǵatty kóterýge bolady. Qazirgi quramadaǵy qyzdar qarjy máselesi jaıly ne biledi? Eshteńe.
Balandınniń áńgimesi bólek. Bárimiz biletindeı ol júzýden Olımpıada chempıony. Al sınhrondy júzý sportyna onyń qandaı qatysy bar? Bapker bizge jalaqyny ýáde etkende Balandın qasymyzda bolǵan joq. Demchenko tarapynan eńbek quqyǵynyń buzylǵanyn biletindeı Dıma sınhrondy júzý quramasymen birge jarystarǵa shyqty ma? 
Dımanyń neni «moıyndamaıtynyn» uqqan joqpyz. Olımpıada chempıonynyń jaǵdaıdan habardar bolmaı tura osyndaı sheshim qabyldaǵany durys bolmady. Biz sonda Demchenko Janna Gennadıevnanyń ústinen qylmystyq is qozǵalǵany jaıly aldadyq pa? Onyń ınstagramm paraqshasynda dostary óte kóp. Atalmysh «moıyndamaý» jazbasymen ol birneshe jerlesterimizdi adastyrdy. Osynyń barlyǵyn tujyrymdaı kele biz Azıa oıyndarynyń qola júldegerleri, halyqaralyq dárejedegi sport sheberleri jáne sınhrondy júzýden ulttyq quramanyń burynǵy músheleri: Áıgerim Jeksembınova, Aısulý Naýryzbaeva, Áıgerim Isaeva, Amına Ermahanova men Aınur Kereı-Baımahanova qazirgi sınhrondy júzý quramasy men Dmıtrıı Balandınge jala japqany úshin quzyrly organdarǵa shaǵymdanýdy jón kórdik. Sol sebepti tájirıbeli qorǵaýshyny jaldadyq, - dedi sınhronshy qyzdar.