Aıza Muhametkárimova atty boıjetkendi óziniń týǵan bólesi zorlyqpen tósek qatynasyna jyqqan, dep habarlaıdy 365info.kz, málimettiń qazaqsha nusqasyn «Qamshy» portaly oqyrman nazaryna usynady.

Oqıǵa 2016 jyldyń 14 sáýirinde Óskemen qalasynda qyzdyń týylǵan kúninen keıin oryn alǵan. Týǵan kún ıesi týysqan ápkesi jáne áriptesimen birge jergilikti kafelerdiń birinde týylǵan toılap, kóńil kóterip otyrǵan. Keıinnen bólesi Raýan Ermuhandy da qýanyshyna ortaqtasýǵa shaqyrady.

– Men jalǵyz turatynmyn. Biz úıge túngi birler shamasynda oraldyq. Men uıyqtaýǵa jatyp qalǵan bolatynmyn, al Ermuhan tońazytqyshtan konákty alyp ishti, ózim ruqsat etkenmin, - dep baıandady Aıza. – Shamamen bir saǵattan soń ol meni oıatyp, ózine ishimdik alyp kelý úshin taksıge aqsha suraı bastady. Oǵan aqshany berdim de, qaıtadan jatyp uıyqtap qaldym. Keıin ol meni taǵy da oıatyp, ózimen birge ishimdik ishýdi usyndy, men bas tarttym. Alaıda ol boı bermegen soń, qasyna otyryp bir bokal pıvo ishtim. Ol kezde Ermuhan bir shólmek araqty taýysyp tastady da, maǵan oǵash qylyqtar kórsete bastady. Men oǵan ekeýmizdiń aǵaly-qaryndas ekenimizdi eskerttim, alaıda ol eshnárseni túsinbedi. Keıinnen ornynan atyp turyp, maǵan tıise bastady, qolymdy qaıyryp, zorlyqpen tósek qatynasyna jyqty. Jarty saǵattaı qarsylastym, alaıda ol jyndanyp ketti de, seksýaldy túrde mazaqtaı bastady. Sonymen qatar ol baıaǵydan ózine meniń dene bitimim unaıtynyn, menimen tósek qatynasyna túsýdi birazdan beri armandap júrgenin aıtty. Jyladym, aıqaıladym, jalbaryndym, alaıda ol m maǵan múldem qulaq aspady. Maǵan qatty aýyr boldy, ábden álim quryp ketti. Ol aıqaıǵa salyp, onyń qalaýyn oryndamasam, óz-ózine qol jumsaıtynyn aıtty. Ekeýmizdi de óltirip qoıady ma dep qatty qoryqtym. Oıyndaǵy aram pıǵylyn iske asyryp bola salysymen Ermuhan uıyqtap qaldy. Tozaqqa aınalǵan bul oqıǵa tańǵy 7-ler shamasynda aıaqtaldy. Men dereý kıinip, dalaǵa shyǵyp kettim. Kóshede bir áıel ótip bara jatyp, maǵan óz kómegin usyndy da, polısıa shaqyrdy. Ony tutqyndaǵanda áli uıyqtap jatqan bolatyn.

Sot materıaldarynda kórsetilgendeı, Ermuhan basynda óz kinásin tolyqtaı moıyndaǵan.

– 17 sáýirde-aq ol maǵan Vkontakte jelisinde ózin kepilmen bosatqanyn jazyp jiberdi. Bul oqıǵa óte uıat jáne ony túrmege jabatyn bolsa, asylyp qalatyndyǵyn aıtty da, iz-tússiz joǵalyp ketti.

2016 jyldyń mamyr aıynda Ermuhanǵa izdeý salyp, qyrkúıek aıynda ǵana Qaraǵandy qalasynda qolǵa túsirgen.

Sotta onyń júzinen esh ókinish baıqamadym. Onysymen qoımaı, meni birinshi jabysa bastady dep málimdedi. Ermuhannyń bul sózine onyń anasy da, qorǵaýshysy da qosylǵan.

Ermuhanǵa qarsy Qylmystyq Kodekstiń eki baby boıynsha is qozǵalǵan – 120 jáne 121. Alaıda ony tek zorlady dep qana aıyptady da, basqa seksýaldy qylyqtaryn dálelder joq dep teriske shyǵardy. Zorlyq kórsetken qylmyskerge 2017 jyldyń 9 qańtarynda shyǵarylǵan úkimdi Óskemen qalalyq sotynda oqyp berdi. Ony 3 jalǵa bas bostandyǵynan aıyryp, túzetý kolonnasyna jiberilýi kerek bolǵan.

– Prokýratýra sottyń sheshimine qarsy appelásıalyq sotqa shaǵymdanǵanyn bilemin. Alaıda, ol sotqa qatysqym kelmeıdi. Bul sumdyqtan ábden sharshadym, - dep aǵynan jaryldy Aıza. – Birneshe kún buryn tanys zańgerlerden mynadaı jańalyq estidim: ol raqymshylyqqa ilinip, jýyq arada bostandyqqa shyǵaıyn dep jatyr eken. Sonymen qatar, ol tek eki jaǵdaıda raqymshylyqqa ilige almas edi: men kámelet jasqa tolmaǵan bolsam nemese meni óltirgen bolsa deıdi.

Aızanyń aıtýynsha, atalmysh oqıǵadan soń qyzǵa anasy habarlasqan, ol zorlyq kórsetken qylmyskerdiń anasynan, ıaǵnı ápkesinen mán-jaıdy estigen eken. Anasy qyzynyń jaǵdaıyn suraýdyń ornyna, oǵan keshirimmen qarap, aryz jazbaýyn suraǵan. Sonymen qatar, osy ýaqytqa deıin eki ret isti bolǵan aǵasyna aıaýshylyq tanytýyn ótingen.

Bul oqıǵadan keıin de Aıza men Ermuhannyń analary, apaly-sińliler, baıaǵy qalpynsha ara-qatynasyn úzbeı aralasyp júr. Al Ermuhannyń sot isinde yqpaldy aǵasy bar, ákesi alqash eken.

Aýdarǵan: Nazerke Labıhan