Ázirbaıjan prezıdenti óziniń jary Mehrıban Álıevti vıse-prezıdent etip taǵaıyndaǵany jaıly keshe saıt betinde jaryq kórgen bolatyn. Ilham Álıevtiń bul sheshimin qup kórgen Qazaqstan musylmandar odaǵy men Orta Azıadaǵy adam quqyǵyna qatysty Musylmandar komıteti ázirbaıjandyq musylmandardyń qoldaýymen memlekettegi Qorǵanys Mınıstri etip enesin taǵaıyndaýdy usynyp otyr. Tarıhı málimetterde kórsetilgendeı, tek ene ǵana memlekettiń qorǵanysymen qatar elbasynyń qaýipsizdigin qamtamasyz ete alady eken, dep jazady rezonans.kz, málimettiń qazaqsha nusqasyn "Qamshy" portaly oqyrman nazaryna usynady.

QMO men Orta Azıadaǵy AQMK basshylyǵynyń aıtýynsha, bılikke jaqyn týystardy taǵaıyndaý arqyly sheneýnikterdiń arasyndaǵy alaýyzdyqtyń aldyn alyp, eldi durys jaǵynan basqarýǵa bolady.

«Siz eldiń taǵdyryna úlken paıdasyn tıgizerlikteı myqty sheshim qabyldadyńyz. Jaǵymsyz pikir bildirýshilerge nazar aýdarmaı, osy qalpyńyzda jalǵastyra berińiz», - dep jazylǵan musylmandar kóshbasshylarynyń biriniń hatynda.

Ázirbaıjan prezıdentine kómektesý nıetinde qazaqstandyq musylman qaýymdastyǵy oǵan úsh arýdy áıeldikke berýge daıyn ekendigin bildirdi. Sonymen qatar olarǵa bıliktegi óte jaýapty qyzmetterdi senip tapsyra alatyndyǵyn aıtty.

«Siz naǵyz musylman retinde tórt áıel alýǵa tolyqtaı quqylysyz», - dep jazylǵan atalmysh hatta.

Aýdarǵan: Nazerke Labıhan