Qamshy.kz portaly Dımash Qudaıbergenov týrasynda álem  aýzynan  aıtylǵan tańqalysty, súısinýshilik pikirlerdi nazarlaryńyzǵa usynyp otyr. Alpamys Sharımov esimdi prodússer óziniń ınsta paraqshasynda Dımash týraly álemniń tanymal tulǵalary aıtqan pikirlerin jarıalaǵan bolatyn.

Jonathan Erwin Malnoury (Fransıa): «Tamasha minsiz daýys. Aıtylýdaǵy qatelikterdiń barlyǵy túkke turǵysyz bolyp qaldy. Keýde daýsy men regıstrdi qoldanýy keremet!»

Ingrid Masseaux (Fransıa): «Adam nanǵysyz.. Ózimdi ushyp júrgendeı sezinip turmyn. Álgi án áli oıymnan keter emes».

Robin Williamson (Tehas, SSHA): «Hmm.. Kim ekenin bilmeıdi ekenmin, shoýdy da buryn sońdy kórmeppin. Biraq.. Myna jigittiń dıapozony myqty eken! Osy dıapozondy qalaı qoldanatynyn aıtsańyzshy!»

Isabelle Chauffeton Saavedra (Fransıa): «Men muny 4 ret kórdim. Denıel Balavon jumaqta shyǵar... Myna jigittiń óziniń ánin tamasha oryndap shyqqanyna maqtanyp jatqan shyǵar. Arasynda bir-eki sózdi durys aıtpaǵany kimdi qyzyqtyryp jatyr? Qap, myna daýys pen harızmany-aı!»
 

Carmen Fernandez Ansuategui (Ispanıa): «Daýys júrekterdi jaqyndatatyn eń negizgi qural. Dıapozon keńdigine sóz joq».

Christin Orbst (Germanıa):
«Ekstraordınarly. Eger bireý-mireý bul ánshini tanyp, atyn bilip jatsa maǵan  habaryn bersinshi».

Ian Stewart (Velıkobrıtanıa):
«Adam sengisiz! Úsh ret tyńdadym,kórdim. Adam balasy mundaı daýysty ıelenýi múmkin be? Dıapazonynyń múmkindigi sheksiz. Talanty zor».

Marcia Nikaydo (Brazılıa):
«Bul jarys emes degen úmittemin.  Basqa qatysýshylarǵa obal ǵoı... Bir ánshiniń ishinde úsh túrli daýysty adam jasyrynǵandaı».

Tuula Hastbacka (Fındlándıa):
«Tamasha regıstr, keń, taza, tonaldiligi, ınterpretasıasy keremet. Tamasha ánshi».
Monica Reberg (Norvegıa):
«Men myna ándi 50 ret tyńdadym ǵoı deımin. Ár tyńdaǵan saıyn denem túrshigedi». 

Nazerke Musa