«Túrkıa damyǵan elder qataryna ený maqsatynda alǵan betinen qaıtpaıdy», - dep málimdedi prezıdent Redjep Taııp Erdoǵan, dep jazady enter.news, málimettiń qazaqsha nusqasyn "Qamshy" portaly oqyrman nazaryna usynady.

«Biz halyqqa bergen ýádemizdi oryndaımyz da, elimizdi eń jaqsy damyǵan elder qataryna qosamyz», - dep basyp atty ol.

Onyń aıtýynsha, bılik basyndaǵylardyń ózara teketiresteri men kelispeýshilikteri Túrkıa eline úlken shyǵyn alyp keldi.

«Búlik týǵyzýshylardyń kesirinen bolǵan saıası soǵystyń saldarynan elimiz áli kúnge deıin ekonomıkalyq daǵdarysty basynan keshirýde. Bizdiń dushpandarymyz 16 sáýirde Túrkıada konstıtýsıalyq referendým ótken kúni zań shyǵarýshy organdar úshin eń sońǵy kún bolady dep oılaıdy. Mundaı tujyrymdardyń barlyǵy da negizsiz bolyp tabylady», - deıdi Túrkıa prezıdenti.

Taııp Erdoǵannyń aıtýynsha, 2016 jyldyń 15 shildesinde búlikti basýǵa barynsha kúsh jumyldyrǵannan soń ol qaıtadan kúshine ene bastady. Túrkıa – túrli búlikterge, saıası soǵysqa, daǵdarys pen shabýyldarǵa qarsy tura bilgen irgesi myqty memleket.

«Buqara halyqtyń qoldaýy bılik úshin óte qatty qajet. 50 paıyz halyqtan qoldaý tapqan jaǵdaıda bılik ókilderi qoǵamdy damytýǵa arnalǵan túrli jobalar men dosparlardy iske qosa alady», - dep málimdedi Erdoǵan.

Aýdarǵan: Nazerke Labıhan