Paleontologtar toby er adamnyń qańqasyn taýyp, syrtqy kelbetin jasap shyǵardy dep habarlaıdy Qamshy.kz Dandı (Shotlandıa) ýnıversıtetiniń Joinfo.ua saıtyna silteme bere otyryp. 

Qańqany tapqanda onyń eki aıaǵy aıqasyp turǵan. Al saýsaqtary úlken tastarmen basylǵan. Deneni zertteý barysynda er adamnyń ólimine sebepker bolǵan basynan alǵan bes aýyr jaraqat ekeni belgili boldy.

Dandı ýnıversıtetiniń profesory Blek tabylǵan qańqaǵa qatysty mynadaı pikir bildirdi: «Bul qańqa óte jaqsy qalypta saqtalǵan. Onyń súıekterin zertteý barysynda onyń qysqa ǵumyry men ólimi týraly aqparattar bildik. Onyń bet álpetinen onyń jas kezinde kóz jumǵanyn bile alasyz. Ol azaptap óltirilgen. Er adam eń az degende basynan bes aýyr jaraqat alǵan».

Birinshe soqqy basy dóńgelek kelgen quralmen urǵan. Nátıjesinde oń jaq jaǵyndaǵy tisteri synǵan. Ekinshisi sol quralmen nemese taıaqpen uryp, sol jaq jaǵyn syndyrǵan. Úshinshi soqqy er adamdy aıaǵynan qulatyp basynan qatty jaraqat alǵan. Tórtinshisi bas súıegin jaryp jibergen. Besinshi soqqy bas súıegin odan ármen oıyp túsirgen.

«Ázirshe bul adamnyń nelikten óltirilgeni belgisiz. Onyń denesi jerlengen jer bizge sol zamandaǵy mádenıetten habar berse kerek. Bálkim bir adamdarmen janjaldasqan bolar» dep topshylaıdy ǵalymdar.

Aýdarǵan: Ásem Álmuhanbet