Qytaıda «Singer 2017» án dodasynda óner kórsetip jatqan qazaqstandyq ánshi Dımash Qudaıbergen baıqaýdyń jetinshi kezeńinde úshinshi oryn aldy.

Jobanyń jetinshi kezeńiniń túsirilim jumystary búgin tańǵa jaqyn aıaqtalyp, ánshiler óz ónerderin kórsetken. Nátıjesinde, qazaqtyń «Daıdıdaý» ánimen kórermen júreginen oryn alǵan otandasymyz úzdik úshtikten kórindi.  Gonkong qalasynyń týmasy Sandy bas júldeni, jobaǵa jańa qosylǵan Lı Szán ekinshi oryndy ıelendi. Aıta keterligi, jobanyń on kezeńnen turatyn irikteý básekesinde alǵashqy jeti ánshiden tek tórteýi qaldy. Dımash jalpy esepte úshinshi orynnan túsken joq. Eske sala keteıik, «Singer 2017» baıqaýynyń altynshy kezeńi efırden 25 aqpan kúni kórsetiletin bolady. 

Esterińizge salsaq, Dımash 1, 2 jáne 6 kezeńde birinshi oryn, 3, 4 kezeńde úshinshi oryn, 5 kezeńde 5 oryn alǵan bolatyn.

Aıta ketsek, Dımash Qudaıbergenov Vıtebskte ótken "Slaván bazary-2015" halyqaralyq baıqaýynda jeńimpaz atanǵan edi. Ol, sonymen qatar, "Shyǵys bazary" jáne "Meıkın Azıa" baıqaýlarynyń Gran-prı ıegeri.

Ol qatysyp jatqan baıqaý aıasynda Qytaıda asa tanymal boldy deýge bolady. Álemge áıgili akter Djekı Channyń ózi Dımashpen arnaıy tanysqan bolatyn. Sondaı-aq Dımash pandalarmen kezdesken resmı birinshi elshi atandy.