2015 jyly 27 aqpanda qastandyqpen óltirilgen Reseı oppozısıoneri, saıasatker Borı Nemsovti búgin Reseı halqy eske aldy dep jazdy BBC-diń orys qyzmeti.

Eske alý sharasyna qatysqandar sany 30 myń dep habarlandy. Máskeýdiń ózinde jergilikti polısıanyń málimdeýinshe 5 myńnan astam adam qatyssa, uıymdastyrýshylar 15 myńnan kóp adam jınaldy degen.

Eske alý marshynda Kremldi qatty synaǵan plakattar men bannerler bolǵan. Eske alýda Eske alý aksıasyn uıymdastyrýshylar arasynda "Solıdarnost, "Parnas", Partıa progresa, "Iabloko", "Otkrytaıa Rossıa", "Partıa 5 dekabrá", Lıbertarıanskaıa partıa, "Vybor Rossıı", "Za prava cheloveka", "Moskovskaıa Helsınkskaıa grýppa" syndy reseılik saıası partıalar men quqyq qorǵaý uıymdarynyń ókilderi bar.

Eske alý Máskeý, Sankt-Peterbýrg, Novosıbırsk, Qazan jáne Reseıdiń ózge de qalalarynda ótken.

1990 jyldardyń basynda Reseı úkimetinde joǵary laýazymdy qyzmetter atqarǵan Borıs Nemsov 2000-jyldardan bastap opozısıa qataryna qosylǵan. 2015 jyly aqpannyń 27-i kúni keshkisin Borıs Nemsovty Máskeýdiń ortalyǵynda atyp óltirgen. Reseı opozısıasynyń jetekshisi 55 jastaǵy Borıs Nemsov Kremlden nebary 200 metrdeı osy jerde qastandyqpen atyp óltirilgen. Saıasatkerdiń qazasyna kúdikti bes adam tutqyndalyp, aıyp taǵylǵan. Tergeý boljamy boıynsha qylmysty uıymdastyrýshy retinde kúdikke ilikken Sheshenstandaǵy «Sever» batalónynyń burynǵy ofıseri Rýslan Mýhýdınovke halyqaralyq izdeý jarıalanǵan.

Aıta ketsek, Nemsov 2014 jylǵy Reseı men Ýkraına arasyndaǵy saıası daǵdarysta Kremldi aıyptap, synı málimdeler jarıalap kelgen bolatyn.