Saryarqa aýdanynda 26 aqpanda túngi saǵat úshter shamasynda oqys oqıǵa boldy dep habarlaıdy patrul.kz. Polısıaǵa 20 adam tóbelesip jatyr degen aqparat túsken. Atalǵan meken-jaıǵa birneshe polıseıler barǵan. Alaıda olar jetkenshe tóbelesip jatqan adamdar tarasyp ketken.  

Birneshe ýaqyt ótkennen keıin rasıadan sol aýdanda bir top jigit túnde turǵyndardyń tynshtyǵyn buzǵany habarlanǵan. Polıseıler men jýrnalıser kelgende 6-8 adamnan turatyn topty kórgen. Ózderin dóreki ustaǵan jigitter syrt kózge ishimdik iship alǵan adamǵa uqsaıdy. Alaıda másele alkogólde emes bolyp shyqty. Turǵyndardyń tynyshtyǵyn buzǵan jigitter qaladaǵy syıly adamdardyń balalary eken.

«Sen jigit emessiń be? Júr, sóıleseıik» dep aıqaılady bireýi. Oǵan jýrnalıserdiń kamerasy jaqpady.

«Men óz quqyǵymdy bilemin. Sender bizdi túsirýge quqylaryń joq» dedi.

«Onda aryz jazyńyzdar» dep jaýap berdi polıseılerdiń biri.

«Iá, qazir-aq jazamyn. Odan keıin senderdiń barlyǵyń túrmege otyrasyńdar» dep jaýap berdi.

«Onda júrińiz».

«Qalasam baramyn, qalamasam barmaımyn» dedi jigit.

Jastar ózderin dóreki jáne ózderine óte senimdi ustady. Polıseımen eregiske túsken jigit qujattaryn kórsetýden bas tartty. İs nasyrǵa shabarynan qoryqsa kerek bir top jigit Mitsubishi Outlander kóligine otyryp, qasha jóneldi. Sońynda polıseıler olardy ustap, Saryarqa aýdandyq ishki ister basqarmasyna jetkizdi. Onda ınspektorlar  QR Ákimshilik quqyqbuzýshylyq kodeksiniń 1 bólim 437-shi  baby boıynsha hattama toltyrdy.

Alaıda tájirıbe kórsetkendeı sheneýnikterdiń balalaryn aıyppulmen qorqyta almaısyń. Sheneýnikterdiń balalary zańǵa nemquraıly qarapa qana qoımaı, onyń ókilderine de baǵynbaıdy.