Qazaqstanda BTA banktiń burynǵy basshysy Muhtar Áblázovqa qatysty qylmystyq is qozǵalǵan, Fransıa túrmesinde otyrǵan eks-bankır qazirgi tańda bostandyqta júr dep jazady nur.kz.
Ótken jyldyń jeltoqsan aıynda Fransıa memlekettik keńesi Áblázovty ekstradısıalaýdan bas tartqan soń, eks-bankır fransýz túrmesinen bostandyqqa shyqty.
Áblázov 1963 jyl mamyrdyń 16 kúni Ońtústik Qazaqstan oblysy, Leńgir aýdany, Galkıno aýylynda dúnıege kelgen. 1986 jyly Máskeýdiń ınjenerli fızıkalyq ınstıtýtyn «fızık-teoretık» mamandyǵy boıynsha támamdaǵan.
Ol Alma Shalabaevamen 1991 jyl bıznespen endi aınalysa bastaǵan kezde otaý qurǵan.
Áblázovtyń jary Alma Shalabaeva 1966 jyly tamyzdyń 15 kúni dúnıege kelgen, ál-Farabı atyndaǵy Qazaq Ulttyq ýnıversıtetin "Matematıka" mamandyǵy boıynsha bitirgen.
Áblázovtyń aıtýynsha, áıeli ekeýiniń tuńǵyshtary qyz bolatynyna senimdi bolǵan.
"Onyń dúnıege kelýi tolyqtaı bizdiń ómirimizdi jáne meniń bolashaq mamandyǵymdy ózgertti. Ol kezde men fızıka ǵylymdarymen aınalysqan, ýnıversıtettiń ǵylymı qyzmetkeri bolatynmyn. Biz jataqhananyń shaǵyn ǵana bólmesinde turdyq. Jas otbasymyz, jaǵdaıymyz onsha máz emes. Men ol kezde men shahmat pen matematıkaǵa áýes edim. Qoǵamdyq ómirge de aralasyp úlgerdim", - dep jazǵan.
Toǵyz metrlik bólmeniń ylǵaldy, bir ǵana jabyq terezesi bolǵan. Tipti, bólme ishinde tún jarymynda tyshqandar júrip, Madınany "esten tandyratyn". Keıinnen toǵyz aılyq bala ókpesine sýyq tıgizip, aýyrdy", - deıdi Muhtar.
Bankır óziniń sol sátte ǵana ǵylymmen aınalysýdyń kóp tabys ákelmeıtinin túsingen.
1988 jyldyń sáýir aıynan 1999 jyldyń qazan aıyna deıin ol Qazaqstannyń energetıka, ındýstrıa jáne saýda mınıstri qyzmetterin atqardy.
1998 jyldan bastap Áblázov BTA bankiniń tóraǵasy bolyp taǵaıyndaldy. 2005-2009 jyldar aralyǵynda Muhtar Áblázovqa BTA bankinen aqsha jymqyrdy degen aıyp taǵyldy.
Eks-bankırdiń búginde tórt balasy bar, olar: Madına, Madıar, Alýa jáne Aldıar. Muhtar óz otbasyn shydamdylyqtary úshin jaqsy kóretinin aıtty.
Qazirgi tańda Madına Áblázova - Almatynyń eks-ákimi Vıktor Hrapýnovtyń uly İlıastyń jary.
Áblázovqa qatysty qylmysty is Reseı men Ýkraınada da qozǵalǵan, degenmen ony ózderine qaıtarý nátıjesine Reseı men Ýkraına ǵana qol jetkizdi. Sebebi Astananyń Parıjben ekstradısıalaý jaıly kelisimi joq.
Qazaqstannyń qazirgi kúshindegi zańy sotqa aıyptalýshy kelmegen jaǵdaıda syrtynan isti qarastyrý jaǵyna qol jetkizbekshi ( 335 QPK baby).
Áblázovtyń isi boıynsha qosymsha sot tyńdalymy Almatyda naýryzdyń 17 kúni ótedi.
