Úsh jyl buryn Reseıdiń Krasnoıar aýmaǵynda ul-bala belgisiz sebeptermen iz-tússiz joǵalyp ketken bolatyn, sol búldirshinniń máıiti mektep aýlasynan tabyldy.. Onyń denesi mektep janyndaǵy órtke qarsy sý jınalatyn rezervýardyń ishinde úsh jyl boıy jatqan, dep habarlaıdy Ren.TV, málimettiń qazaqsha nusqasyn "Qamshy" portaly oqyrman nazaryna usynady.
Bala úsh jyl boıy izdeýde bolǵan 9 jastaǵy Konstantın Chernovtyń máıiti15 naýryzda tabyldy. 2 synyp oqýshysy 2014 jyldyń jeltoqsanynda saǵat 15:00 shamasynda mektepten shyǵyp, úıine oralmaǵan. .
Bul derek boıynsha qylmystyq is qozǵalyp, oqıǵa ornynda jedel-tergeý toby jumys júrgizip jatyr.
Tabylǵan bala máıitiniń naqty Konstantın Chernovtiki ekenin anyqtaý úshin onyń denesi molekýlárlyq-genetıkalyq saraptamaǵa jóneltildi.
