Dashratha Mandjhıdi búgin álem «taý adamy» retinde tanıdy. Onyń erligi jóninde kitaptar jazylyp, fılmder túsirilýde. 2007 jyly er adam qaıtys bolǵanda onyń jerleý rásimin Úndistan úkimetiniń ózi ótkizdi dep jazady "Qamshy".

Bul erekshe adamnyń kózi tirisinde oǵan eshkim mán de bermegen. Tipti kórshileri men jaqyndary ony esi aýysqan dep oılaǵan.

Gehlor aýylynda turǵan qarıanyń áıeli qatty syrqattanyp, aýrýhanaǵa jetkenshe kóz jumady. Sebebi, qalaǵa deıin 80 shaqyrym. Oǵan jetetin tóte jol joq. Áıeliniń qazasyn aýyr qabyldaǵan Dashratha aqsaqal taýdan óz qolymen jol sala bastaıdy. Onyń bul áreketine aýyl turǵyndary kúle qarady. Ara-tura aýyl turǵyndary oǵan tamaq alyp kelip turdy. Qalaǵa tikeleı shyǵatyn joldy salýǵa bilek sybana kirisken Dashratha 22 jylda taýdan qalaǵa tóte jol ashady. Ol 1960 jyldan 1982 jyl aralyǵynda óziniń jobasyn iske asyrǵan. Degenine jetpeı qoımaıtyn aqsaqal eni 9 metr, uzyndyǵy 100 metr joldy jasaǵan.

Memleket Dashrathanyń eńbegin tek ol qaıtys bolǵanda ǵana eledi. 2011 jyly Dashratha qaıtys bolǵanyna 4 jyl tolǵanda onyń salyp ketken jolyn jaqsy qalypqa keltirgen. Al Gehlor turǵyndary áli kúnge deıin onyń esimin zor maqtanyshpen eske alady.