Búgin Almaty qalasyndaǵy qylmystyq ister boıynsha aýdanaralyq mamandandyrylǵan sotta alaıaq bankır, «BTA bankiniń» burynǵy basshysy Muhtar Áblázovke qatysty qylmystyq is boıynsha aldyn ala sot tyńdaýy ótkizildi.

Sottalýshylar oryndyǵynda syrttaı sottalatyn M. Ábilázovten bólek onyń úsh sybaılasy – «BTA bankiniń» basqarma tóraǵasynyń eks-birinshi orynbasary-nesıe berý komıtetiniń tóraǵasy Jaqsylyq Járimbetov, nesıeleý boıynsha eks-dırektor Qaırat Sadyqov jáne «BTA bankiniń» burynǵy basqarma tóraǵasy Sadýaqas Mámesh otyr.

Buǵan deıin qylmystyq iske qatysýshylarǵa, sonyń ishinde M. Ábilázovtiń qorǵaýshysyna aıyptaý aktisi tapsyryldy. 2017 jyldyń 1 jáne 14 aqpanynda Sybaılas jemqorlyqqa qarsy is-qımyl jónindegi Ulttyq búro Qylmystyq-prosessýaldyq kodekstiń talaptaryna sáıkes, otandyq jáne sheteldik BAQ-ta materıaldar shyǵarý jolymen M. Áblázovti sotqa kelý týraly habardar etti. Alaıda,ol sotqa kelgen joq jáne kelýine kedergi keltiretin sebepter jóninde de habarlaǵan joq.

Alaıaq bankırdiń isiniń keıipkerlerine qylmys jasaý, bótenniń múlkin ıelený jáne jumsaý, zańsyz jolmen tabylǵan aqshany zańdastyrý, banktiń qarajatyn zańsyz paıdalaný, ókilettikterin asyra paıdalaný maqsatynda qylmystyq qaýymdastyq uıymdastyrdy jáne qurdy degen aıyptar taǵylyp otyr. Al M. Ábilázovtiń ózi Qazaqstan Respýblıkasynyń Qylmystyq kodeksiniń 6 baby boıynsha aıyptalýda: atap aıtqanda, «Qylmys jasaý maqsatynda qylmystyq qaýymdastyq uıymdastyrý jáne qurý», «Senip tapsyralǵan bótenniń múlkin ıelený jáne jumsaý», «Senip tapsyrylǵan bótenniń múlkine qastandyq jasaý jáne jumsaý», «Qylmystyq jolmen tabylǵan aqsha men múlikti zańdastyrý», «Banktiń aqshasyn zańsyz jolmen paıdalaný», «Ókilettikterin asyra paıdalaný».

Sybaılas jemqorlyqqa qarsy is-qımyl jónindegi ulttyq búro M. Áblázov pen onyń sybaılastaryna qatysty qylmystyq is boıynsha sotqa deıingi tergeý sharalary aıaqtalyp, is prokýratýra organdary arqyly sotqa jóneltilgenin habarlaǵan edi.