Túri usqynsyz bolǵandyqtan ata-anasy tatsap ketti degendi estip pe edińiz? Alaıda, Djono Lankaster esimdi balaqaıdyń basynan dál osyndaı jaǵdaı ótti. Onyń oqıǵasy kimniń bolsa da júregin eljireteri anyq.

Djono Lankaster Kollınza sındromyna shaldyqqan. Iaǵnı, keıbir usaq súıekteri jetilmeı, estý múshesine zaqym kelgen.

Alaıda, ol árdaıym birnárseni esinde saqatdy – taǵdyrǵa moıynusynbaý, qıynshylyqqa eshqashan des bermeý.

Anasy sábıdi bosanǵan soń, kóp oılanbastan balasynan bas tartatynyn jetkizgen. Ol ata-anasyna renjimeıdi. Qaıta, baǵy bar ekenin aıtady. Dál osy sındrommen aýyratyn balalar ota jasatyp aqshalaryn kókke shyshp júr, al Djonǵa onyń keregi joq.

Biraz kúnderden soń balany Djın Lankaster esimdi áıel asyrap alady.

Onyń kelbeti basqa balalardan ózgeshe edi. Mektepte oqyp júrgende-aq bala óziniń basqalarǵa uqsamaıtynyn baıqaǵan. «Kóbisi juqtyryp alýǵa qorqyp menen alys júretin. Anamnan sebebin suraǵanda, ol jaýap qatpaı jylaı beretin. Men onyń kóz jasyna ózimdi kináli sezinetinmin».

Mektepte ony balalardyń bári derlik jek kórdi. Ózin múldem jalǵyz sezinip júrdi.

Sóıtip, bala erjetti. Barmen bolyp jumysqa ornalasty. Bul onyń ómirin ózgertti Jaqsy jaqqa...

Birde Djonnyń janyna skınhed kelip: «Qulaǵyńnyń jóndi estimeıtini qandaı jaqsy, áıelińniń urysqan sózderin estimeıtin bolasyń», - dedi. Djon kúlip, rasynda, bar qıynshylyqtyń bir jeńildigi bolatynyn oılady.

Búgingi kúni Djono muǵalim bolyp, balalarmen jumys istep júr. Óz taǵdyryn jeńip shyqty. Balalarǵa árqashan kúsh berip otyrady. Bar jaǵdaı tek jaqsylyqqa aparatynyn aıtady:

«Meniń bıologıalyq ata-anam menimen áli kúnge deıin baılanysqylary kelmeıdi. Dál sol sebepti meniń qorshaǵan ortaǵa, aınalamdaǵy adamdarǵa degen kózqarasym basqasha boldy. Mende múmkindik bolǵannyń ózinde, eshteńeni ózgertpes edim. Bar qıynshylyqtyń túbinde jeńildik jatady».