«I am singer» jobasynyń qatysýshysy qazaqstandyq Dımash Qudaıbergenovtiń Qytaıdaǵy tanymaldylyǵy jaıynda fransýzdyq  France 2  reıtıńisi joǵary telearnasy reportaj usynǵan. Bul týraly «Qamshy» portaly «Qazaqparat»-qa silteme jasap  habarlaıdy.

-Myna ǵajaıyp daýysty estip tursyzdar ma? Bul daýystyń ıesi Dımash. Búgin osy jas jigit týraly, onyń áleýmettik jelidegi tanymaldylyǵy týraly sóz qoozǵaıtyn bolamyz. Osy ándi aıtyp ol óziniń ataǵyn shyǵardy- dep atap ótti tańǵy baǵdarlama júrgizýshisi.

-Iá, ol Denıel Balavýnnyń aýyr óleńin oryndady. Sondyqtan ol, maqtaýǵa ǵana emes medal taǵýǵa da laıyqty, -dedi júrgizýshi.

Fransýzdyq baǵdarlamada Dımashtyń kelbetti, symbatty ári tartymdy ekenin, sonymen birge túr-tulǵasy jaǵynan qytaılyqqa uqsaıtynyn da aıtyldy. Reportajda Dımash Qudaıbergenovtiń ulty qazaq ekendigi, jáne ol qytaısha bilmeıtindigi de sóz etildi. Alaıda, Weibo áleýmettik jelisinde onyń 3 mıllıon jankúıeri bar ekendigin, al qytaı áleýmettik jelilerindegi Dımashtyń oryndaýlarynda 1,5 mlrd qaralym bolǵandyǵyn da aıtty.

Aıta keteıik sońǵy jańalyqtar boıynsha, Dımash 10-týrda úshinshi oryn alyp, kelesi kezeńge joldama aldy.