Ońtústik Qazaqstan oblysynda eki máslıhat depýtattarynyń arasynda oryn alǵan janjal boıynsha qylmystyq is qozǵaldy. Bul týraly «Qamshy» portaly «Qazaqparat»-qa silteme jasap habarlaıdy.
Túlkibas aýdanynyń depýtattaryna baılanysty «Denege zaqym keltirý» Qylmystyq kodeksiniń 107 baby boıynsha tergeý júrgizilýde.
17-18 naýryz kúnderi Túlkibas AİİB-na eki azamat tarapynan aryz túsken. Atalǵan aýdannyń eki depýtaty Ýtepbaı Matkarımov pen Aıtbek Meńlibekov ekeýara janjal, tóbeles nátıjesinde biri júrek talmasy, ekinshisi mı shaıqalý faktisi boıynsha aýrýhanaǵa túsken.
Ýtepbaı Matkarımov burynyraq aýdan ákiminiń orynbasary qyzmetinde bolsa, Aıtbek Meńlibekov Aqsý-Jabaǵly memlekettik qoryǵynyń dırektory qyzmetinde.
Quqyq qorǵaý organdary eki depýtat arasyndaǵy janjaldyń sebepterin anyqtaýda.
