Qazaqstan Respýblıkasynyń Prezıdenti Nursultan Nazarbaev Aqordada Ózbekstan prezıdenti Shavkat Mırzıeevpen kezdesti dep habarlaıdy Qamshy.kz

Prezıdent Nazarbaev Ózbek basshysyn zor saltanatpen qarsy aldy.

Elbasy Naýryz merekesine oraı elge kelip jatqan Ózbek basshysynyń qadamyn jaqsylyqqa balap, alǵysyn aıtty. Bul kezdesýdiń aımaqtyq yntymaqtastyq pen ekonomıkalyq mańyzy joǵary ekenin aıryqsha atap ótti.

«Siz qyzmetke kelgeli eki eldiń arasyndaǵy taýar aınalymy otyz paıyzǵa artty. Mıllıard dollardyń kelisimsharttaryna qol qoıyldy», - dedi Nazarbaev Ózbekstannyń jańa prezıdentine.

«Qurmetti týǵan baýyrlar!», - dep bastady Mırzıóev óz sózin.

«Eki el arasyndaǵy Islam Karımov ekeýińiz qalyptastyrǵan yntymaqtastyq odan ári nyǵaıa túsedi. Biz Qazaqstandy eń jaqyn ári senimdi seriktesimiz dep sanaımyz»  dep, Ortalyq Azıanyń yntymaqtastyǵy týraly sóz etken Ózbek basshysy Qazaqstandy BUU qaýipsizdik keńesiniń turaqty emes múshesi bolýymen quttyqtady.

«Búgingi kezdesý bizdiń bolashaq qatynasymyz úshin úlken mańyzǵa ıe. Biz jıi kezdesip turamyz. Osylaı shaqyrǵanyńyz úshin «Raqmet» aıtamyn dedi ózbek tilinde Mırzıóev . Sondaı-aq Elbasy Nazarbaevty Ózbekstanǵa saparmen kelýge shaqyrdy.

Aıta ketsek, Ózbekstan basshysy naýryz merekesi qarsańynda keshe 22 naýryzda resmı is-saparmen keldi. Premer-mınıstr Baqytjan Saǵyntaev qarsy alǵan bolatyn.

Esterińizge salsaq, 5 jeltoqsanda Shavkat Mırzıóev Ózbekstan prezıdenti bolyp saılandy. Saılaý 4 jeltoqsanda ótti. Ózbekstan Prezıdentiniń mindetin atqarýshy, Premer-mınıstr Shavkat Mırzıóev memleket basshysy saılaýynda 88,61% daýyspen jeńiske jetti. Ózbekstanda saılaý óte sala Nazarbaev pen Mırzıóev óńirlik qaýipsizdikti nyǵaıtý máseleleri jóninde pikir almasty. Qazaqstan Prezıdenti Nursultan Nazarbaev Ózbekstan Respýblıkasynyń saılanǵan prezıdenti Shavkat Mırzıóevpen telefon arqyly sóılesti.
 

Nurǵalı NURTAI