Almatyda keshe hokeıden «Almaty» men «Beıbarys» komandalary arasyndaǵy oıyn bastalar aldynda Qazaqstannyń burynǵy Ánurany oryndaldy. QazAqparattyń habarlaýynsha mundaı qatelikke Balýan Sholaq atyndaǵy Sport saraıynyń ákimshiligi jol bergen. Eski Ánuran birneshe sekýnd qana shyrqalǵanymen, «Almaty» telearnasynda tikeleı efırde kórsetilgen oıynnyń bastalar sátine myńdaǵan kórermen kýá boldy.

Eske salsaq, 2013 jylydyń 12 qańtarynda Tverdiń jergilikti klýby men Joǵary hokeı lıgasynyń lıderi «Saryarqa» oıyny bastalar kezde Qazaqstan Respýblıkasynyń qazirgi emes, burynǵy eski Ánurany qoıylǵan. JHL bul qatelik úshin «Saryarqa» klýbynan keshirim surady jáne Tver hokeı klýbyn aıyppul tóleýge mindettedi. Sonymen qatar, Reseıdiń barlyq hokeı klýbtaryna bundaı kemshilikti qaıtalamaý jóninde eskertý joldanǵan. 

Qamshy-aqparat