Qazan qalasynyń turǵyny jol apatynan kóz jumdy, dep habarlaıdy 360 telearna, málimettiń qazaqsha nusqasyn «Qamshy» portaly oqyrman nazaryna usynady.

23 naýryzdyń tańynda Qazan-Dýbázy trassasynan 10 kılometr qashyqtyqta ornalasqan Tatarstannyń Zelenodol aýdanynda iri jol kólik apaty oryn alǵan. Kólik júrgizip kele jatyp, ózin tikeleı efırde vıdeoǵa túsirip kele jatqan boıjetken telefonyna kóńili aýyp kete berip, aqyr sońynda kólikti basqara almaı qalady. Daewoo Matiz kóliginiń ıesi qarsy betke shyǵyp ketip, qoǵamdyq kólikke kelip soqtyǵysqan.

Atalmysh oqıǵanyń saldarynan boıjetken til tartpaı ketken. Sonymen qatar qoǵamdyq kólik júrgizýshisi men bes jolaýshy, onyń ishinde 7 jastaǵy búldirshin zardap shekken. Jaraqat alǵandardy aýdannyń ortalyq aýrýhanasyna jedel túrde jetkizgen.