Almatydaǵy Oqýshylar saraıynda jýrnalıser men blogerler arasynda shahmattan týrnır ótti. Aikyn media open saıysyna jalpy sany 30 adam qatysty. Demalys kúnin tıimdi paıdalanǵan BAQ ókilderi oı sergitip qana qoımaı, uıymdastyrýshylar tarapynan berilgen syılyqtarǵa ıe boldy dep habarlaıdy Qamshy.kz
Elimizdegi bedeldi basylymdardyń biri «Aıqyn» respýblıkalyq qoǵamdyq-saıası gazeti 13 jyldyq mereıtoıyna oraı osyndaı sharany qolǵa aldy. Tórtinshi bılik ıeleriniń basyn qosqan týrnırge jas jýrnalıserden bastap ardagerlerge deıin qatysty. Oıyn shveısar úlgisinde ótkendikten, jeńiske jetý múmkindigi joǵary edi. Iaǵnı jalpy sany 7 týrda jınaǵan upaı sandary eseptelip, qorytyndy shyǵarylady. Sýyrylyp úzdik shyqqan tilshige Air Astana áýekompanıasy Tegeranǵa bızness-klasqa eki bılet tabystady. Jeńimpaz atalǵan joldamamen Irannyń astanasyna osy jyldyń aıaǵyna deıin qalaǵan kúninde bara alady.
Osyǵan deıin BAQ ókilderi arasynda ótkizilgen talaı týrnırde top jarǵan Arsılan Alahýnovqa bas júlde buıyrdy. «Uıǵyr avazı» respýblıkalyq qoǵamdyq-saıası gazetiniń tilshisine ǵana ese jibergen jas bloger, shahmattan İ-rarzrádqa ıe Qýanysh Súleımenge ekinshi oryn buıyryp, «Kerneý Limited» atynan planshet tabystaldy. Qola júldege talas qyzý boldy. Jarys qorytyndysynda upaı sandary teń túsken tórt oıynshyǵa da úshinshi oryn berildi. Degenmen koefısıent boıynsha Qumar Baqdáýlet basym túsip, planshet ıegeri atandy. Sáıkesinshe, Baıpeıisov Asqat, Qamataev Qanat pen Túsiphan Nurbek esimdi jýrnalıser de júldeli úshinshi oryndy ıelendi. Budan bólek belsendi qatysqan birqatar tilshilerge baǵaly syılyqtar tabystaldy. Sonymen birge Nurtóre Júsiptiń «Myń qumyrsqa jáne BİZ» kitaby men Ermahan Shaıhynyń «Qońyr qajynyń kúndeligi» kitaby kelgenderge úlestirip berildi. Shahmat týrnırin ótkizýdi dástúrge aınaldyramyz deıdi gazet basshysy.
Nurtóre JÚSİP, «Aıqyn» gazetiniń bas redaktory:
Gazetimiz bıyl bir múshelge kelip otyr. Osy aıtýly merekeni qalaı ótkizsek dep kóp oılandyq. Nátıjesinde shahmattan týrnır ótkizýge bel baıladyq. Bul arqyly jýrnalıserdiń qolynan shahmat oınaý keletinin kórsetip, myqtylar oıynyn keńirek nasıhattaǵymyz keldi. Elimizge belgili jas shahmatshy Jansaıa Ábdimáliktiń shahmat akademıasy ashyldy. Usynysymyzdy jerge tastamaı, osy jerde ótkizýimizge kelisim berdi. Osy sharanyń ótýine at salysqan barsha jandarǵa alǵys bildirgimiz keledi. Týrnırdi aldaǵy ýaqytta dástúrli túrde uıymdastyryp turamyz degen josparmyz bar.
Aıan NYSANALIN, ardager-jýrnalıst:
Mundaı sharalar jıi uıymdastyrylyp turýy qajet. Sebebi kúni boıy jumystan bas almaıtyn jýrnalıser bir sát sergip qalǵandary jaqsy. Shahmat - oıy–dardyń tóresi. Óz tarapymnan aıtar usynysym bar. «Aıqyn» gazetiniń ujymy keler jyly taǵy ótkizetin bolsa, týrnırdi Táken Álimqulovtyń qurmetine qoısa eken. Óıtkeni qalamger-jýrnalıster arasynda dál Táken aǵaǵa teń keler qarsylastar bolmaǵan. Óz aramyzda kishigirim saıystar jıi ótip turady. Ardager bolsaq ta, múmkindiginshe qatysamyz. Uıymdastyrýshylarǵa rahmet aıtqym keledi.
