Búkilálemdik boks keńesi qazaqstandyq boksshy Gennadıı Golovkınniń kezekti qarsylasyn anyqtady. 

GGG-diń endi argentınalyq Horhe Heıland (28-4-2, 15 KO) pen amerıkalyq Djermall Charlo (25-0, 19 KO) arasyndaǵy kezdesýdiń jeńimpazymen jekpe-jekke shyǵady. Bul týraly vRINGe.com portaly ESPN Deportes portalyna silteme jasap habarlaıdy.

Bul jekpe-jektiń mańyzdy ekenin eskere ketý kerek. Sebebi, Búkilálemdik boks keńesiniń (WBC) belbeýi sarapqa salynady.

Eske salaıyq, Charlo buǵan deıin 69,9 keli salmaqtaǵy IBF tujyrymy boıynsha álem chempıony ataǵynan bas tartyp, orta salmaqqa aýysqanyn habarlaǵan edi. Ol óziniń sońǵy kezdesýin ótken jyldyń jeltoqsan aıynda ótkizip, Djýlıan Ýılmstan asyp tústi.

Heıland bolsa birneshe ýaqyttan beri orta salmaqta WBC reıtıńinde kósh bastap keledi. Biraq áli de chempıondyq belbeý úshin jekpe-jek ótkizgen joq.

vRINGe.com portalynyń málimetinshe, bul eki boksshy arasynda ótetin kezdesýdiń jeńimpazy aldaǵy ýaqytta qazaqstandyq boksshy Gennadıı Golovkınmen kezdesýi kerek.