Osy aptada Ońtústik Koreıa Premer-mınıstriniń orynbasary, Bilim mınıstri Lı Chjýn Sık Ortalyq Azıaǵa sapary aıasynda Qazaqstan men Ózbekstanda bolady, dep habarlaıdy QazAqparat.

Yonhap agenttiginiń málimetinshe, bul sapar Ońtústik Koreıa men elimiz arasynda dıplomatıalyq qatynastardyń ornaýynyń 25 jyldyǵyna, sondaı-aq etnıkalyq koreılerdiń qonystanýynyń 80 jyldyǵyna oraılastyrylyp jasalmaq.

Lı Chjýn Sıktyń sapary tórt kúnge jalǵasady dep kútilýde. Ol eki eldiń joǵary laýazymdy sheneýnikterimen kelissózder júrgizip, strategıalyq seriktestik qatynastardy nyǵaıtý máselelerin talqylamaq.

Sonymen qatar Premer-mınıstrdiń orynbasary Qazaqstan men Ózbekstanda ómir súrip jatqan koreı halqynyń ókilderimen kezdesedi.

Qazaqstan men Ózbekstan sáıkesinshe 100 myń jáne 180 myń etnıkalyq koreılerdiń týǵan jeri bolyp tabylady.

«19-ǵasyrdyń sońynda kedeıshilikke tap bolǵan koreı fermerleri Ortalyq Azıa óńirlerine qonys aýdara bastady, al keıinnen, olarǵa 1910-1945 jyldary Japonıanyń otarlyq basqarýyna qarsy turǵan, táýelsizdik úshin kúresken keıbir adamdar qosyldy. Munymen qosa, 1937 jyly Iosıf Stalınniń buıryǵymen Sibirde turyp jatqan koreıler de Ortalyq Azıaǵa jappaı jer aýdaryldy»,-dep jazady agenttik.