2017 jylǵy 24 naýryzda Erevan qalasynda Arno Babadjanán atyndaǵy memlekettik fılarmonıada «Naýryz meıramy» atty qazaq fólklorlyq jáne klasıkalyq mýzykasynyń konserti ótti. İs-shara Armenıadaǵy Qazaqstan jáne Túrikmenstan elshilikteriniń uıymdastyrýymen ótkizildi.

         Atalǵan is-sharaǵa mınıstrlikter men vedomstvolardyń ókilderi, qoǵam qaıratkerleri, sheteldik dıpmıssıalardyń basshylary jáne Armenıadaǵy Qazaqstannyń dıaspora músheleri keldi.

         Konserttik baǵdarlamaǵa arnaıy Almaty jáne Qostanaı qalalarynan kelgen kórkemóner ártisteri qatysty. Máselen, Almaty qalasynyń №18 mekteptiń oqýshysy Ashot Mhıtarán «Orteke», «Saranjap», «Balbyraýyn», «Álqısa», «Áke Tolǵaýy» jáne «Sekirtpe» ataqty qazaqtyń kúılerin dombyrada oryndady. Sondaı-aq, konserttik baǵdarlamada «Men qazaqtyn qyzymyn» atty ánimen «Qazaqstan-Qostanaı» telearnasynyń redaktory Gaıane Martırosán, «Kózimniń qarasy» ánimen Dılıjan qalasynyń Birikken álem kolejiniń oqýshysy Arnur Sabet jáne Ǵazıza Jubanova men Arno Babdjanánnyń mýzykalyq shyǵarmalardyń oryndaýymen P. Chaıkovskıı atyndaǵy mýzykalyq mekteptiń qazaqstandyq oqýshysy óner kórsetti.

         Konsertten keıin is-sharanyń qonaqtary naýryz-kójeniń dámin tatyp, Qazaqstan men Túrkmenstannyń dástúrli ulttyq taǵamdarynan aýyz tıip, qazaqtyń kıiz úı ishindegi buıymdardy tamashalady.