Astanada qalalyq İİD arnaıy jasaǵynyń aýmaǵynda jas qyzmetker asylǵan kúıi tabyldy, - dep habarlaıdy «Qamshy» portaly  tengrinews.kz-ke silteme jasap. Qaza tapqan er adamnyń 24 jastaǵy kishi serjant Medet Temirbaev ekeni belgili boldy. Qaza tapqan serjant Medet Temirbaevtyń anasynyń aıtýynsha, ulynyń máıiti 8 naýryzda tabylǵan. "1992 jyly dúnıege kelgen ulym Temirbaev Medet arnaıy jasaqta qyzmet etýdi armandaǵan edi. Osyǵan birneshe jyl boıy daıyndaldy, qujattardy jınady. Armıada desanttyq jasaqta qyzmet etti. Byltyr ǵana osy júrgizýshi bolyp jumysqa kirgen edi. Onda bar-joǵy 7 aı 10 kún jumys istedi", - dedi Temirbaevtyń anasy Nurıa Janaeva.

"7 naýryzda ádettegideı jumysqa ketti. Ózimen birge túski asyn alyp ketti, kóńil-kúıi jaqsy bolatyn. Sol kúni maǵan eki ret qońyraý soqqan edi, ol maǵan kúnine birneshe ret habarlasatyn. Shamamen keshki saǵat 8-derde áıelimen sóılesip, saparda júrgenin aıtty. Sodan ulym keshki saǵat 9-da úıge kelmeı jatqan soń, ýaıymdaı bastadym. Biraq bir jaǵynan qyzmetinde kidirip qalǵan shyǵar dep oıladym. Telefony sóndirýli boldy. Al kelesi kúni ulymmen birge qyzmet etkender Medettiń asylyp qalǵanyn aıtty", - deıdi anasy. Nurıa Janabaeva ulynyń óz-ózine qol jumsaǵanyna senbeıdi. Onyń aıtýynsha, uly dinge senetin adam bolǵan, meshitke baryp turatyn. Otbasy 2 sáýirde bolatyn úılený toıynda daıyndalyp jatqan eken. Medet otbasynda jalǵyz bala bolǵan, al ákesi birneshe jyl buryn qaıtys bolǵan.

"Meni jasaqtyń bólimine ákelgende, ulymnyń denesi ol kezde máıithanaǵa jiberilip qoıǵan eken. Máıitti kórmedik, ulymdy sońǵy ret qushaqtaı da almadym. Ony 10 naýryzda jerledik", - deıdi anasy. Anasynyń aıtýynsha, ol qaıǵyly oqıǵaǵa deıin ulynyń moınynda ony bireýdiń býyndyrǵany sıaqty izderdi baıqaǵan. "Ony bireý býyndyrǵandaı, moıny qyzaryp turdy. Ol sport sheberi bolatyn, únemi jattyǵyp júretin. Biraq ol maǵan sol kezde jattyǵý jasap júrgende jaraqat alǵanyn aıtty. Al bolashaq áıeline jumysta "ońtústiktiń" jigittermin tóbelesip qalǵanyn aıtqan. Keıinnen biz olardyń ulymnan aqsha men osydan bir aı buryn satyp alǵan kóligin talap etkeni jaıly bildik", - dedi Temirbaevtyń anasy. Astana qalalyq İİD polısıanyń kishi serjanty Medet Temirbaevtyń ishki ister organdarynda 2016 jyldyń jeltoqsanynan beri jumys istegenin habarlady. Osy oqıǵa boıynsha tekseris júrgizilip jatyr. "Osy derek boıynsha sotqa deıingi tergeý júrgizilip jatyr. Bastapqyda júrgizilgen tekseris kezinde máıitte eshqandaı dene jaraqattary anyqtalmady.Qajetti saraptamalar taǵaıyndaldy. Saraptama nátıjeleri boıynsha prosesýaldyq sheshim qabyldanady", - dedi Astana qalalyq İİD baspasóz qyzmetindegiler.