LÝKASHENKO: RESEI EAEO-NY EÝROPA ODAǴYNA QARSY TURÝ ÚSHİN PAIDALANADY

    Nurgali Nurtay
    LÝKASHENKO: RESEI EAEO-NY EÝROPA ODAǴYNA QARSY TURÝ ÚSHİN PAIDALANADY

    Belarýs prezıdenti Aleksandr Lýkashenko jyl saıynǵy joldaýynda Reseıdi Eýrazıa ekonomıkalyq odaǵynda (EAEO) ústemdikke ıe bolýǵa umtylady dep aıyptady. Bul týraly Qamshy   aqparattyq agenttigi Azattyqtyń jańalyqtaryna súıenip habarlaıdy.

    21 sáýirde parlamentte sóılegen Lýkashenko EAEO elderi arasynda "teń quqyly, ózara syılasymdy qarym-qatynas" ornatýdyń qıyn ekenin málimdedi. "Biz únemi qarym-qatynasty aıqyndap júremiz" degen Lýkashenko odaq músheleri bir-birin dempıń ádisin qoldanady dep sógetinin jáne "ortaq nesıe qoryn bólise almaıtynyn" aıtty.

    "Barlyǵymyz bir nárseni túsininýimiz kerek: EAEO naryǵy - qandaı da bir eldiń nemese soǵan ergen odaqtastyń naryǵy emes. Bul - bizdiń ortaq, tolyqqandy naryǵymyz, biz ony damytý arqyly kez-kelgen sanksıany eńserip, ekonomıkalyq básekede jeńip shyǵamyz" dedi Lýkashenko.

    Baqylaýshylar Reseı prezıdenti Vladımır Pýtın quramyna Armenıa, Belarýs, Qazaqstan, Qyrǵyzstan kiretin EAEO-ny Máskeýdiń burynǵy Sovet odaǵy terıtorıasyndaǵy yqpalyn kúsheıtip, Eýropa Odaǵyna qarsy turý úshin paıdalanady deıdi.

    Lýkashenko sonymen qatar Belarýstiń Reseımen "strategıalyq" qarym-qatynasta ekenin jáne Pýtın ekeýiniń "senimdi qarym-qatynas ornatqanyn" da aıtty.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025