Amerıkandyq Kortnı Hılldiń ómirindegi baqytty jáne qaıǵyly jaǵdaılar qatar júrdi. Kúıeýi Braıan apatta kóz jumdy. Ol Kýveıt, Irak, Aýǵanstandaǵy soǵysqa qatysqan. Braıanǵa surapyl soǵysta emes, týǵan jerinde kóz jumý buıyrǵan eken.

Braıan men Kortnı 2011 jyly tanysqan. Birneshe ýaqyttan keıin Regan esimdi qyzdary dúnıege keldi. Braıan qaıtys bolmas buryn otbasylyq jup taǵy da balaly bolýda josparlaǵan.
Kúıeýi qaıtys bolǵan kúni Kortnı júkti ekenin bildi. Jerleý rásiminde Kortnı kúıeýiniń qulaǵyna «Qambattym, bizdiń balamyz bolady» dep sybyrlady.

Bir aıdan keıin áıeldiń ishi qatty aýyra bastaıdy. Kortnı túsik bolýy múmkin dep qorqyp, dárigerge bardy. Onda áıel úshemge júkti ekenin habarlaǵan. Kortnıdiń qýanyshynda shek bolmady. Alaıda taǵdyr oǵan taǵy da synaq daıyndap qoıǵan eken. Júktiliktiń 25-shi aptasynda úshemniń biri ana qursaǵynda shetinep ketti.

«ÝDZ-diń nátıjesi mundaı bolady dep oılamadym. Men úshin bul aýyr soqqy boldy. Burynǵy jaram qaıta qanjylaǵandaı boldy» deıdi Kortnı.


Kortnı balalarynyń birine kúıeýi Braıannyń esimin bergisi keldi. Alaıda qaıǵyly oqıǵadan keıin ol bul oıynan bas tartty. Eki balasyn Maılz jáne Harper dep atady. Qazir Kortnı eki qyz bir uldyń anasy.
