Taldyqorǵan qalasyndaǵy Nazarbaev zıatkerlik mektebiniń 7, 10, 11-shi synyp oqýshylary mektep asqanasyndaǵy tamaqtan ýlanyp qalǵan dep habarlaıdy Qamshy aqparattyq agenttigi KazTAG-qa silteme jasap. Bastapqyda ýlanǵandar sany 14 bolsa, qazir 19-ǵa jetti.
Almaty oblystyq tutynýshylar quqyǵyn qorǵaý jónindegi departament basshysy Erǵalı Sydymanov oqýshylardyń jaǵdaıy týraly aıtyp berdi.
«Qazir oqýshylardyń jaǵdaıy oıdaǵydaı. Ózderin jaqsy sezinedi. Jaǵdaılary qanaǵattanarlyq», - dedi Erǵalı Sydymanov. Dárigerler de muny rastap otyr.
Esterińizge sala keteıik, 20-shy sáýirde Taldyqorǵan qalasynda zıatkerlik mektebiniń 14 oqýshysy gastroenterıt dıagnozy boıynsha aýrýhanaǵa túsken. Oqýshylardyń naqty qaı astan ýlanǵany belgisiz. Atalǵan jaǵdaı boıynsha arnaıy komısıa qurylyp, tekserý jumystaryn júrgizýde.