Lenınniń múrdesin Qazaqstanǵa ákelý týraly tilegin «Halyqtyq komýnıser» fraksıasynyń múshesi, parlament májilisiniń depýtaty Vladıslav Kosarev Informburo.kz tilshisine bergen suhbatynda aıtty dep habarlaıdy Qamshy aqparattyq agenttigi.
«Biz Lenınniń denesin Qazaqstanǵa ákelý týraly buryn da aıtqanbyz. Ony bizge berińder. Bul ábden múmkin. Lenınniń denesin osynda ákelýge bolar edi ǵoı, biraq, onyń qoqysta jatqan denesin qalpyna keltire almaıtyndaı bılik aldynda qanshalyqty dármensiz edik?», -deıdi Kosarev.
Budan bólek májilismen Reseı komýnıseri Lenınniń denesin jerleýge jáne Qyzyl alańdaǵy Mavzoleıin bólshekteýge jol bermeıtindigin aıtady.
« Lenın men onyń eskertkishine degen jek kórýshilik sezim buryn da bolǵan. Qazir de bar. Qoǵamdy jańartýdy jáne úlken kapıtalısik qoǵam jasaǵysy keletinder ony jer júzinen joq qylyp joq qylyp jiberýge daıyn. Bul tarıhymyzdyń Keńestik kezeńin eske túsiredi. Bul alańdaýshylyqtardan arylarmyz dep oılaımyn jáne men Reseı komýnıserin birigip kúsh jumyldyryp, olardyń qysymyna qarsy turýǵa shaqyrǵym keledi», -deıdi "Halyqtyq komýnıser" fraksıasynyń múshesi, parlament májilisiniń depýtaty Vladıslav Kosarev.
Aıta keteıik, Ýkraına Sovettik kezeńniń qaldyqtarynan arylý úshin Lenınniń barlyq eskertkishterin qulatqan bolatyn. Burynǵy Keńes Úkimetiniń quramynda bolǵan biraz elder de sol dáýirdiń qaldyqtarynan qutylý úshin kóptegen ister atqardy. Sondyqtan depýtattyń bul usynysy qısynǵa kelmeıdi.