Qazmedıaortalyǵynyń kınokonserttik zalynda «Jastar bolashaqty jyrlaıdy» atty jas aqyndar aıtysy ótti dep habarlaıdy Qamshy aqparattyq agenttigi «Bolashaq» Qaýymdastyǵynyń baspasóz qyzmetine silteme jasaı otyryp.
Aqyndar baıqaýy eki kezeńde ótti. Birinshi kezeńde baıqaý komısıasynyń qaraýyna elimizdiń 14 oblysynan 30 jas, daryndy aqyndardan ótinish kelip tústi. Aqtyq márege Qazaqstannyń ár aýmaǵynan eń úzdik 10 aqyn qatysty. Jumys kúni bolǵanyna qaramastan konsert zaly aıtys súıer qaýymǵa lyq toldy. Aıtysty belgili aqyn, «Daryn» jastar syılyǵynyń laýreaty Qalqaman Sarın júrgizdi. Aqyndardyń sýyryp salma ónerin, jýrnalısıka jáne saıasat fakúltetiniń dekany - Qaırat Saq bastaǵan bilikti ádil qazylar alqasy synady.
«Táýelsiz Qazaqstanmen birge qaıta túlegen aıtys óneri qazirgi tańda óte jaqsy jaǵdaıda dep tolyq senimmen aıta alamyz. Zamanaýı aıtys óziniń ádebı qundylyǵyn arttyrmasa, kemigen emes. Aıtystyń bedeli de kún sanap artýda. Osyǵan oraı elimizde de jas ári daryndy aıtyskerlerdiń bar ekendigi jáne olardyń kásibı sheberlikteri kóńil qýantady. Olardyń jyrlary arqyly biz qoǵamnyń ózekti máselelerine kóńil aýdaramyz»,- dep atap ótti - «Bolashaq» Qaýymdastyǵynyń Keńes Tóraǵasynyń m.a., QR Parlament Májilisiniń depýtaty Baqtıar Máken.
Jas aqyndar báıgesi tereń aqyldan, súbeli oıdan turatyn myqty qarsylastardyń saıysy boldy. Sýyryp salma qasıetteri men ádildigi, shynshyldyqtary úshinde olar jınalǵandardyń qoshemetine bólenip otyrdy.
Aıtystyń eń úzdigi bolyp Nurjan Ómirbaev (Semeı) tanyldy. Oǵan 300 myń teńge tabystaldy. Ekinshi oryndy Muhametjan Mansurov (Qyzylorda) ıelenip 200 myń teńge alsa, úshinshi orynǵa Nárıa Aqbabaqyzy (Qostanaı) laıyqty sanalyp, 150 myń teńgeniń chegine ıe boldy. Ekinshi kezeńniń barlyq qatysýshylaryna dıplomdar tabystaldy.
Esterińizge sala keteıik, «Jastar bolashaqty jyrlaıdy» jas aqyndar báıgesin «Bolashaq» Qaýymdastyǵy Astana qalasy ákimdiginiń Jastar isi boıynsha basqarmasynyń memlekettik áleýmettik tapsyrysy boıynsha uıymdastyrdy.